ۇكىمەت • 09 مامىر، 2021

اسقار مامين قازاقستاندىقتاردى جەڭىس كۇنىمەن قۇتتىقتادى

11 رەت كورسەتىلدى

قر پرەمەر-ءمينيسترى اسقار مامين وتانداستارىمىزدى جەڭىس كۇنىمەن قۇتتىقتادى، دەپ حابارلايدى Egemen.kz

«قۇرمەتتى قازاقستاندىقتار، سىزدەردى ۇلى جەڭىس كۇنىمەن قۇتتىقتايمىن! بۇل – قازاقستان حالقى ءۇشىن اسا قاستەرلى مەرەكەلەردىڭ ءبىرى.

بۇل كۇنى ءبىز قاسيەتتى وتانىمىزدى قاسىق قاندارى قالعانشا قورعاپ، كەيىنگى ۇرپاققا جارقىن بولاشاق پەن بەيبىت ءومىر سىيلاعان اكەلەرىمىزدىڭ، اتا-بابالارىمىزدىڭ باتىرلىعى مەن قايسارلىعىنا قۇرمەت كورسەتەمىز، جەڭىمپاز مايدانگەرلەر مەن تىل ەڭبەككەرلەرىنىڭ الدىندا شىنايى قۇرمەتپەن جانە ريزاشىلىقپەن باسىمىزدى يەمىز.

جىل سايىن ارداگەرلەرىمىزدىڭ قاتارى سيرەپ بارادى. ءبىزدىڭ پارىزىمىز – ولارعا بارىنشا كوڭىل ءبولىپ، قامقورلىق كورسەتۋ، قاھارمان باتىرلارىمىزدىڭ تاريحقا اينالعان ەرلىكتەرىن كەلەر ۇرپاققا جەتكىزۋ. ۇلى جەڭىستىڭ جاڭعىرىعى ءبىزدىڭ جۇرەگىمىزدە ماڭگى ساقتالادى. قازاقستاننىڭ كوگىندە ءاردايىم بەيبىت كۇننىڭ جالاۋى جەلبىرەسىن!

قىمباتتى ارداگەرلەرىمىزگە مىقتى دەنساۋلىق، ءورشىل رۋح، تۋعان-تۋىستارى مەن جاقىندارىنا باقىت، بالالارى مەن نەمەرەلەرىنە قۋانىش تىلەيمىن! قازاقستان رەسپۋبليكاسىنىڭ پرەمەر-ءمينيسترى اسقار مامين».

سوڭعى جاڭالىقتار

بيىل 755 اۋىل اكىمى سايلانادى

قوعام • بۇگىن، 12:15

ۇقساس جاڭالىقتار