رۋحانيات • 07 مامىر، 2021

«ماڭگىلىك الاۋ» باسىنداعى جوقتاۋ

56 رەت كورسەتىلدى

ءتۇبى جوق تاريحتىڭ شەجىرەسىندە شەرمەندە بولىپ وتكەن شەشەلەرىمىز از با؟! سوعىس تاۋقىمەتىن تاۋ كوتەرگەندەي ارقالاپ وتكەن انالارىمىز دا ەندى جوقتىڭ قاسىنداي. بۇل ءبىر شەرلى سۋرەتتى قىزىلوردالىق ءفوتوتىلشى بولات وماراليەۆ وسىدان 35 جىل بۇرىن تۇسىرگەن.

سۋرەتتى تۇسىرگەن بولات وماراليەۆ

ءبىز بۇعان دەيىن دە بايىرعى كوزمەرگەننىڭ «سوعىس جەسىرلەرى» تاقىرىبىنا تۇسىرگەن بىرقاتار سۋرەتتەرىن جاريالاعان ەدىك.

– بۇل سۋرەتتى 1985 جىلدارى ءتۇسىردىم. ءبىر-ەكى رەت گازەتكە ۇسىنىپ كورىپ ەدىم، ەشكىم ۇناتا قويعان جوق. بىراق سۋرەتتىڭ قۇندى ەكەنىن ءبىلىپ، «نەگاتيۆىن» تاستاعان جوقپىن. ساعىنىشتان ابدەن ءتوزىمى تاۋسىلعان انانىڭ ەشكىمگە كونبەي «ماڭگىلىك الاۋ» باسىندا بارىنشا زارلى داۋىس­پەن جىلاپ، جاتىپ قالعانىن تاسپاعا تارتتىم، – دەيدى ارىپتەس اعا.

سويلەيتىن سۋرەت ءتۇسىرۋ، ءساتتى كادر جاساۋ ەكىنىڭ بىرىنە بۇيىر­ماعان قابىلەت. ونىڭ ۇستىنە كوزدى اشىپ-جۇمعانشا ءساتتى كادر ۇستات­پاي كەتەدى. «سۋرەتكە تۇسىرۋگە زورعا ۇلگەردىم» دەگەن ءفوتوتىلشى بۇل كۇندى بىلاي دەپ ەسكە الادى.

– ءبىر جاعىنان بىرەۋ جىلاپ تۇرسا، مەن ونى سۋرەتكە تۇسىرسەم، سىرت كوزگە ىڭعايسىز، ۇيات كورىنەدى. مىنا كورىنىستەن تولقىماۋ مۇمكىن ەمەس. ول كەزدە سوعىس جەسىرلەرىنىڭ كوبى ءتىرى ەدى. وسى فوتو باستاما بولدى ما، بىلمەدىم، «سوعىس جەسىر­لەرى» دەگەن اتپەن ەكى جىلداي جەسىرلەر ومىرىنەن كوپ سۋرەت ءتۇسىردىم.

«جەسىرلەر جىلاسا، مەنىڭ دە قوسىلا جىلاعان ساتتەرىم بولدى. ونداي جەردە شىداۋ مۇمكىن ەمەس. 1983 جىلى ماسكەۋدە قا­زاقستان فوتوونەر شەبەرلەرىنىڭ كور­مەسى ءوتتى. وسى سۋرەت سول كور­مەگە قاتىستى»،  دەيدى بولات وماراليەۆ.

ەگەر سۋرەتتەردىڭ دىبىسى بولسا، ءبىز ءسوزسىز جەسىر قالعان انالارىمىزدىڭ توبە شاشتى شىمىرلاتار زارلى جوقتاۋىن، ساعىنىشىن ەستۋگە ءداتىمىز شىدار ما ەدى! سوعىس جەسىرلەرى جىلايدى.

باستاپقىدا 1979 جىلى شيەلى اۋدانى، سۇلۋتوبە اۋىلىندا ەسكەرتكىشكە تەسىلە قاراپ جىلاپ تۇرعان ءبىر ايەلدى زورعا ءتۇسىرىپ ۇلگەرگەن ءفوتوتىلشى وسى كادردان كەيىن «سوعىس جەسىرلەرى» سەرياسىن ەكى جىلداي جالعاستىرعان. بۇل تۋىن­دىسىن قىزىلوردا قالا­سىنداعى «ماڭگىلىك الاۋ» مەموريالىندا تۇسىرگەن.

 

الماتى

 

سوڭعى جاڭالىقتار

الەكسەي تسوي وتستاۆكاعا كەتە مە؟

قازاقستان • بۇگىن، 15:37

كەڭەستەردىڭ قىزمەت اياسى كەڭەيدى

قازاقستان • بۇگىن، 08:37

5 جىلدا – 2 ملرد اعاش

قازاقستان • بۇگىن، 08:36

ءسۇت زاۋىتىنداعى سىناق

ايماقتار • بۇگىن، 08:27

«قارا باۋىر قاسقالداق»

رۋحانيات • بۇگىن، 08:25

ەكىدىڭ ماڭىنداعى ەسكەرتكىشتەر

ايماقتار • بۇگىن، 08:22

كۇي – قازاقتىڭ قازىناسى

رۋحانيات • بۇگىن، 08:19

جۇرەك جىلۋى جان جادىراتادى

ايماقتار • بۇگىن، 08:18

دونور بولۋ – ۇلكەن دارەجە

قوعام • بۇگىن، 08:14

ۇقساس جاڭالىقتار