ايماقتار • 06 مامىر، 2021

تاۋدا جوعالىپ كەتكەن تۋريست تابىلدى

18 رەت كورسەتىلدى

5 مامىر كۇنى ساعات 23:11-دە رەسپۋبليكالىق جەدەل-قۇتقارۋ جاساعىنا ايۋ-ساي تاۋىنىڭ شاتقالىنداعى سارقىراما ايماعىندا ەر ادامنىڭ جوعالىپ كەتكەنى تۋرالى اقپارات كەلىپ ءتۇستى، دەپ جازادى Egemen.kz.

«ىزدەستىرۋ-قۇتقارۋ جۇمىسىنا رجقج جەدەل توبى جولعا شىقتى. ايۋ-ساي شاتقالىنىن جوعارى جاعىنان قۇتقارۋشىلار ءتۋريستى تاۋىپ الدى. ول سارقىرامالاردىڭ ءبىرىنىڭ ۇستىندەگى قىرقادا تۇر ەكەن. رجقج جەدەل توبى جاس جىگىتكە ءارتۇرلى باعىتتان جاقىنداۋعا تىرىستى. الايدا ونىڭ قاسىنا بارۋ مۇمكىن بولمادى. سەبەبى وزەندەردە سۋ كوتەرىلگەندىكتەن، ءار وتكەلدە ارنايى جابدىقتى قولدانۋعا تۋرا كەلدى. ونىڭ ۇستىنە تايعاق تاستار، تىك جەرلەر، تاۋلىكتىڭ قاراڭعى ۋاقىتى قوسىمشا قيىندىق تۋعىزدى»، دەلىنگەن حابارلامادا.

كەيىن توپ جەتەكشىسى جەدەل اۆتوكولىكپەن كوسموستانتسياعا (تەڭىز دەڭگەيىنەن 3200 مەتر جوعارى) كوتەرىلىپ، زارداپ شەگۋشىنىڭ باعىتى بويىنشا تومەن تۇسۋگە شەشىم قابىلداعان. مۇنداي جاعدايدا العا جىلجۋ وتە قاۋىپتى. جەرگە جارىق تۇسە باستاعان كەزدە رجقج قۇتقارۋشىلارى زارداپ شەگۋشىنى كوزبەن كورىپ، بايلانىس ورناتتى. قۇتقارۋ وپەراتسياسى بارىسىندا تۋريست ۇيالى تەلەفون جانە رجقج كەزەكشى ءبولىمى ارقىلى حابارلاسىپ وتىردى. ەر ادامعا جاقىنداعاننان كەيىن قۇتقارۋشىلار ەڭ قاۋىپسىز ورىندى تاڭداپ، الپينيستىك قۇرال-جابدىقتىڭ كومەگىمەن ونى تومەنگە ءتۇسىردى.

«تۋريست قاتتى قورقىپ قالعانىمەن جالپى جاعدايى جاقسى. رجقج قۇتقارۋشىلارى جاس جىگىتتى قالاداعى اۆتوبۋس ايالداماسىنا دەيىن جەتكىزىپ سالدى»، دەلىنگەن ۆەدومستۆادان.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار