ايتا كەتەيىك, اقتوبەنىڭ حالىقارالىق اۋەجايىنا ءاليا مولداعۇلوۆا ەسىمى 28 ءساۋىر كۇنى بەرىلگەن ەدى.
بۇگىن رەسمي تانىستىرىلىپ, باتىر قىزدىڭ ءبيۋستى ورناتىلدى.
جيىندا باتىردىڭ تۋىستارى, ونىڭ ءومىرىن زەرتتەپ جۇرگەن تانىمال قوعام قايراتكەرلەرى, ولكەتانۋشىلار بولدى.
ء«اليا مولداعۇلوۆا – كۇللى قازاق ەلىنىڭ ماقتانىشى. اتى اڭىزعا اينالعان جەرلەسىمىزدىڭ ءومىرى مەن ەرلىگى - بىزگە, وسكەلەڭ ۇرپاققا لايىقتى ۇلگى. ءبىز دە سول سياقتى تۋعان جەرىمىزدى جاقسى كورىپ, قورعاۋىمىز كەرەك. ۇكىمەت قاۋلىسىمەن اقتوبە حالىقارالىق اۋەجايىنا كەڭەس وداعى باتىرىنىڭ ەسىمى بەرىلدى. سىزدەردى وبلىسىمىزدىڭ ومىرىندەگى قۋانىشتى وقيعامەن قۇتتىقتايمىن», دەدى وبلىس اكىمى وڭداسىن ورازالين.
اۋەجاي عيماراتىندا ءاليا مولداعۇلوۆانىڭ ءمۇسىنى قويىلدى. بيىكتىگى – 2,47 سم. ءمۇسىن اۆتورى - اقتوبەلىك تانىمال ءمۇسىنشى جەڭىس جۇبانقوسوۆ.
ء«اليا اپامىزدىڭ ءمۇسىنىن ءبىر ايدا جاساپ شىقتىق. بۇل مەن ءۇشىن جاۋاپتى جۇمىس بولدى. ءبىز ءوزى تۇسكەن فوتوسىن پايدالاندىق. كىشكەنتاي بولسا دا, ايبارلى, قايسار قازاق قىزى ءمۇسىنىنىڭ اۋەجايعا قويىلعانى ۇلتتىق رۋحىمىزدى اتتىراتىن قادام بولدى», دەدى ءمۇسىنشى.
