بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە اقتاۋ قالاسىنىڭ اكىمى نۇرداۋلەت قيلىباي ءمالىم ەتتى.
شاھار باسشىسىنىڭ ايتۋىنشا, جوبا قۇرىلىسى دەمەۋشىلەردىڭ كومەگىمەن ىسكە اسادى. العاشقى جۇمىستار 10 مامىر كۇنى باستالادى. سونداي-اق ەل تاۋەلسىزدىگىنىڭ مەرەيلى مەرەكەسىن تويلاۋ ماقساتىندا قالادا بىرنەشە جوبا ىسكە اسپاق.
«جاڭا 40-شى شاعىن اۋداننان ساياباقتىڭ ىرگە تاسى قالانىپ, قۇرىلىس جۇمىستارى باستالىپ كەتتى. دەمەۋشىلەر قاراجاتى ەسەبىنەن اقتاۋ قالاسىنىڭ «شىعىس-3» شاعىن اۋدانى, № 8 جانە № 9 ونەركاسىپتىك ايماقتىڭ قيىلىسىنا «شوتان باتىر» ەسكەرتكىشىن ورناتۋ جانە «اقتاۋ-اۋەجاي» تاس جولىنىڭ بويىنا كىرەبەرىس كەشەنىنىڭ قۇرىلىسىن سالۋ جوبالارى ازىرلەندى. ال, 20-شى شاعىن اۋدانىنداعى اينالمالى جولعا دەمەۋشىلىك ەسەبىنەن تاۋەلسىزدىكتىڭ 30 جىلدىعىنا وراي اقتاۋ قالاسىنا سىي رەتىندە «سالتاناتتى اركانىڭ» قۇرىلىسى باستالدى», دەدى نۇرداۋلەت قيلىباي.
