ەكولوگيا • 06 مامىر، 2021

الماتى كوشەلەرىنە كوپجىلدىق گۇلدەر ەگىلەدى

13 رەت كورسەتىلدى

بيىل الماتىدا 50 مىڭ اعاش كوشەتى وتىرعىزىلدى. الداعى جىلى الماتى جاسىل جەلەككە ورانا تۇسەدى، بۇل تۋرالى بۇگىن ونلاين-بريفينگ بارىسىندا الماتى قالاسى جاسىل ەكونوميكا باسقارماسىنىڭ باسشىسى ناتاليا ليۆينسكايا مالىمدەدى، دەپ حابارلايدى Egemen.kz.

بۇل تەك «جاسىل ارالدار» عانا ەمەس، سونىمەن قاتار تولىققاندى باقتار بولادى. وتىرعىزۋ جۇمىستارى «ەكولوگيالىق مارافون» جوباسى اياسىندا جۇزەگە اسىرىلدى.

ناتاليا ليۆينسكايا قالادا كوكتەمگى كوشەتتەر وتىرعىزۋ ناۋقانىنىڭ اياقتالعانىن حابارلادى. وسى كوكتەمدە 50 مىڭ كوشەت وتىرعىزىلدى. 2021 جىلى بارلىعى 350 مىڭ اعاش وتىرعىزىلادى. وتكەن جىلى 282 مىڭ اعاش ەگىلگەن. ن.ليۆينسكايانىڭ ايتۋىنشا، بارلىق وتىرعىزىلعان اعاشتاردى ەكى جىل بويى مەردىگەرلىك ۇيىمدار سۋارادى.

سونىمەن قاتار، رىسقۇلوۆ كوشەسىنىڭ ءبولۋ جولاعىندا كولىك ايرىعىنان العاباس ىقشام اۋدانىنا دەيىن 650 قاراعاش وتىرعىزۋ جوسپارلانعان. بۇگىنگى تاڭدا 350 كوشەت وتىرعىزىلسا، 10 مامىرعا دەيىن تاعى 300 كوشەت ەگىلەدى.

ن.ليۆينسكايا قالادا گۇلمەن كوگالداندىرۋ ءتاسىلى قايتا قاراستىرىلعانىن حابارلادى. سونىڭ ارقاسىندا الماتى قايتادان باقشا قالا دەگەندى ەسكە سالاتىن بولادى.

ء«بىز بىرجىلدىق وسىمدىكتەردى وتىرعىزۋ تاجىريبەسىنەن باس تارتىپ، كوپجىلدىقتارعا كوشۋدەمىز. ەسەنتاي وزەنىنىڭ جاعالاۋىن بويلاي بيىل ءبىز كوپجىلدىقتار وتىرعىزدىق، ولاردى جاڭا تولقىن گۇلدەرى دەپ تە اتايدى. ولارعا سونداي اتاۋ بەردىك، ويتكەنى ولار ماۋسىمنان كۇزگە دەيىن كەزەك-كەزەك گۇلدەيدى. ءبىز جولدار مەن تروتۋارلاردىڭ جيەگىنە، سونداي-اق،  ءال-فارابي مەن سەيفۋللين داڭعىلدارىنا گۇلدەر ەگىپ جاتىرمىز»، دەدى ول.

باسقارما باسشىسى ناتاليا ليۆينسكايا ولاردىڭ ۆەدومستۆوسى «جاسىل اۋلا» اكتسياسىن اياقتاعانىن حابارلادى.

ء«بىز 150-دەن استام مەكەنجايعا بارىپ، الماتىلىقتارعا 1500 جاپىراقتى اعاش كوشەتتەرىن تاراتتىق. كوشەتتەرمەن بىرگە قالا تۇرعىندارىنا وتىرعىزۋ جانە كۇتۋ ەرەجەلەرى بار بروشيۋرالار بەرىلدى، سونىمەن قاتار ولار كۇتىم تۋرالى كەپىلدىك مىندەتتەمەلەرگە قول قويدى»، دەپ ءتۇسىندىردى ن.ليۆينسكايا.

مەگاپوليستە اۋقىمدى كوگالداندىرۋمەن قاتار جاندىكتەرمەن كۇرەس ءجۇرىپ جاتىر. 15 ساۋىردەن باستاپ الماتىدا جاسىل جەلەكتەردى حيميالىق جانە بيولوگيالىق ادىسپەن وڭدەۋ جۇمىستارى جۇرگىزىلۋدە. بۇل زيانكەستەر مەن زەڭ اۋرۋلارىنىڭ قوزدىرعىشتارىنىڭ الدىن-الۋ.

«ەرەكشەلىگى – وڭدەۋ تۇندە جانە تاڭەرتەڭ جۇزەگە اسىرىلادى. وڭدەۋدە قازاقستان اۋماعىندا رۇقسات ەتىلگەن حيميالىق پرەپاراتتار پايدالانىلادى جانە ولار ادام ءومىرى ءۇشىن قاۋىپتى ەمەس. بۇگىنگى تاڭدا جۇمىستار قالانىڭ بارلىق 8 اۋدانىندا جۇرگىزىلدى»، دەپ ءتۇسىندىردى جاسىل ەكونوميكا باسقارماسىنىڭ باسشىسى.

بريفينگ بارىسىندا ناتاليا ليۆينسكايا الەۋمەتتىك جەلىلەردە قىلقان جاپىراقتى اعاشتاردىڭ  قاتىستى «اڭىزدارعا» تۇسىنىكتەمە بەردى. باسقارما زەرتحانالىق زەرتتەۋلەردى باستادى، عالىمدار كەپتىرىلگەن شىرشالاردىڭ بۇتاقتارىنان تالداۋ الدى.

«تالداۋ ناتيجەلەرى قىلقان جاپىراقتى اعاشتاردا ءساپروفيتتى زەڭ پايدا بولعانىن كورسەتتى. مەن بۇل قاۋىپتى زەڭ ەمەس ەكەنىن اتاپ وتكىم كەلەدى، بۇل وسىمدىكتەردە كەزدەسەتىن قاراپايىم ميكروورگانيزم. بۇل ەۋروپالىق ساڭىراۋقۇلاقتار ەمەس. بيولوگتار اتاپ وتكەندەي، بۇل زەڭ اۋرۋىنىڭ سەبەبى ەمەس، سالدارى. زەڭ اۋرۋى تەمپەراتۋرانىڭ كۇرت وزگەرۋىنەن مەن كۇننىڭ كۇيدىرۋىنە بايلانىستى پايدا بولدى»، دەيدى ن. ليۆينسكايا.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار