قوعام • 06 مامىر، 2021

بيىل ەلىمىزدە 600 شاقىرىمعا جۋىق جول جوندەلەدى

9 رەت كورسەتىلدى

بيىل ەلىمىزدىڭ بەس وڭىرىندە رەسپۋبليكالىق ماڭىزى بار اۆتوموبيل جولدارىنىڭ 585 شاقىرىمىنا كۇردەلى جوندەۋ جۇرگىزىلمەك، دەپ حابارلايدى Egemen.kz قر يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.

باتىس قازاقستان وبلىسىندا كۇردەلى جوندەۋدەن وتەتىن 248 شاقىرىم جول قامتىلعان: «قازتالوۆكا-جانىبەك-رەسەي شەكاراسى» جانە «ونەگە-بيسەن-سايقىن».

الماتى وبلىسىندا «الماتى – بىشكەك» (التىن وردا) جانە «كوكپەك – كەگەن – قىرعىزستان شەكاراسى» اۆتوموبيل جولدارىنا جوندەۋ جۇمىستارى جۇرگىزىلۋدە. سونداي-اق، جول سالاسى قىزمەتكەرلەرى كۇردەلى جوندەۋدى قوستاناي وبلىسىنداعى «جەزقازعان – پەتروپاۆل» مەن «رەسەي شەكاراسى - (ەكاتەرينبۋرگكە) – الماتى» تاس جولدارىندا جۇرگىزۋدە.

پاۆلودار وبلىسىندا «قالقامان – باياناۋىل – ۇمىتكەر – ۋليانوۆسك» جانە «لەنين – اقسۋ – كوكتوبە – كۋرچاتوۆ» جول ۋچاسكەلەرى جوندەۋ جۇمىستارىمەن قامتىلعان.

سونىمەن قاتار بيىل سولتۇستىك قازاقستانداعى «بۋلاەۆو-ۆوزۆىشەنكا-مولودوگۆاردەيسكوە-كيروۆو-قيالى-روششينسكوە» جولى جوندەلمەك.

ايتا كەتۋ كەرەك، كۇردەلى جوندەۋ جولدىڭ بارلىق كومپونەنتتەرىنە ۇزاق قاشىقتىقتا اسەر ەتەدى. ول توپىراقتى نىعايتۋعا، اقاۋلاردى جويۋعا، درەناج جۇيەسىن رەتكە كەلتىرۋگە جانە جابىندى جوندەۋگە مۇمكىندىك بەرەدى. جالپى، جىلدىڭ قورىتىندىسى بويىنشا كۇردەلى جوندەۋدەن كەيىن 62 شاقىرىم رەسپۋبليكالىق جول پايدالانۋعا بەرۋ كوزدەلىپ وتىر.

 

 

 

سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار