اپات مامىردىڭ تورتىنەن بەسىنە قاراعان ءتۇنى ورىن العان. 34 جاستاعى قالا تۇرعىنى رولگە يە بولا الماي قالعان. سىنعان اعاش جول ۇستىنە قۇلاعان. جۇرگىزۋشى مەديتسينالىق مەكەمەگە جەتكىزىلىپ, مەديتسينالىق كومەك كورسەتىلگەننەن كەيىن ۇيىنە جىبەرىلدى. تەكسەرىس بارىسىندا جىگىتتىڭ جۇرگىزۋشىلىك كۋالىگى بولماعانى انىقتالعان. ونىڭ ۇستىنە مەديتسينالىق كۋالاندىرۋدان باس تارتقان. ال بۇل ارەكەت قۇقىق بۇزۋشىلىق سانالادى.
«قالا تۇرعىنىنا قاتىستى 2 حاتتاما تولتىرىلدى. ماتەريالدار پروتسەسسۋالدىق شەشىم قابىلداۋ ءۇشىن پەتروپاۆل قالاسىنىڭ مامانداندىرىلعان اكىمشىلىك سوتىنا جىبەرىلگەن. سوت قاۋلىسىمەن جۇرگىزۋشىگە 25 تاۋلىك تۇرىندەگى اكىمشىلىك قاماۋ جانە 60 ايلىق ەسەپتىك كورسەتكىش كولەمىندەگى ايىپپۇل بەلگىلەندى. اۆتوكولىك ارنايى تۇراققا قويىلدى», دەيدى پەتروپاۆل قالاسى پب پاترۋلدىك پوليتسيا باتالونى شتابىنىڭ باستىعى, پوليتسيا مايورى وكسانا پوپوۆا.
