اكىمنىڭ مالىمەتىشە, 2021 جىلدىڭ 10 - 31 ناۋرىزى ارالىعىندا «الماتى جاستارى 3.0» قالالىق باعدارلاماسى اياسىندا وتىنىشتەر مەن قۇجاتتار قابىلداندى, مۇندا باستاپقى جانە قايتالاما نارىقتا باسپانا الۋ ءۇشىن 5 پايىزدىق جەڭىلدىكپەن نەسيە بەرىلەدى.
باعدارلاما اياسىندا 1000 جاس وتباسىلاردى قامتۋ جوسپارلانۋدا, ولاردىڭ اراسىندا ەڭ كوپ سۇرانىسقا يە ماماندىقتاردىڭ ازاماتتارى بار, ولار: مەديتسينا قىزمەتكەرلەرى, مۇعالىمدەر, جوو-نىڭ جانە عزي-نىڭ وقىتۋشىلارى مەن عىلىمي قىزمەتكەرلەرى, مادەنيەت جانە سپورت سالاسىنىڭ قىزمەتكەرلەرى, جۋرناليستەر, جازۋشىلار, حالىقتى الەۋمەتتىك قورعاۋ سالاسىنىڭ جانە قۇقىق قورعاۋ ورگاندارىنىڭ قىزمەتكەرلەرى.
بۇرىن حابارلانعانداي, 2021 جىلى تۇسكەن بارلىق 9 741 ءوتىنىشتىڭ 5 913-ءى وڭ شەشىلدى. 30 ساۋىردە ىرىكتەلگەن العاشقى 500 قاتىسۋشىعا ءوتىنىم سايتىندا جولدامالار بەرىلدى. كەلەسى اپتادا, 7 كۇننەن سوڭ كەلەسى 500 جولداما تاپسىرىلادى. ازاماتتاردىڭ جاپپاي شوعىرلانۋىن بولدىرماۋ ماقساتىندا جولداما كەزەڭ- كەزەڭمەن بەرىلەتىن بولادى.
