مونەتالاردى kazcoins.nationalbank.kz ينتەرنەت-دۇكەنى ارقىلى ساتىپ الۋعا بولادى. ول ءۇشىن قولدانۋشىلار تىركەلىپ, جەكە كابينەت اشۋعا ءتيىس.
ALTYN BARYS ينۆەستيتسيالىق مونەتالارى – 999,9 جوعارى سىنامالى, ساپاسى جوعارى التىن مونەتالار. ينۆەستيتسيالىق مونەتالاردىڭ ەرەكشەلىگى – بۇل مونەتالار جاسالعان مەتالدىڭ وزىندىك قۇنى مەن سالماعىنا بايلانىستى تابىس اكەلەتىندىگىندە.
سونداي-اق ەرەجەلەرگە سايكەس, ينۆەستيتسيالىق مونەتالاردى ۇلتتىق بانك كەرى ساتىپ الۋعا قابىلداي بەرەدى جانە ولاردىڭ قۇنى مونەتاداعى مەتالدىڭ سالماعىنا قاراي ەسەپتەلەدى. بارلىق نومينالداعى ينۆەستيتسيالىق مونەتالار قازاقستان رەسپۋبليكاسىنىڭ بۇكىل اۋماعىندا بەلگىلەنگەن قۇنىنا سايكەس كەز كەلگەن تولەم ءتۇرى بويىنشا, سونداي-اق بانك شوتتارىنا ەسەپكە جازۋ ءۇشىن جانە اۋدارۋ ءۇشىن قابىلدانا بەرەدى, قازاقستان رەسپۋبليكاسىنىڭ بانكتەرىندە شەكتەۋسىز ۇساقتالادى جانە ايىرباستالادى.
ALTYN BARYS ينۆەستيتسيالىق مونەتالارى قازاقستان تەڭگە سارايىندا دايىندالعان.
