قىزىلوردا وبلىسىنىڭ اكىمدىگى بۇل اقپاراتتى جوققا شىعاردى.
«قازىرگى ۋاقىتتا قالالىق ەمحانالار جانىنان ەكپە ەگۋ ءۇشىن جىلجىمالى توپتار قۇرىلدى. وسىنداي ءموبيلدى توپتاردىڭ ءبىرى بۇگىن «قورقىت اتا» ساۋدا ورتالىعىندا ۆاكتسيناتسيا جۇرگىزدى. وندا بارلىق سانيتارلىق تالاپ ساقتالعان. ايتا كەتەيىك, ۆاكتسيناتسيا الدىندا دارىگەرلەر مىندەتتى تەكسەرىستەن وتكىزەدى.
الايدا, «بازارعا ۆاكتسيناسىز ەشكىمدى كىرگىزبەيدى» دەگەن اقپارات جالعان ەكەنىن حابارلايمىز. قازىرگى ۋاقىتتا ەركىن ساۋداعا بارلىق مۇمكىندىك بار», دەپ مالىمدەدى ۆەدومستۆو وكىلدەرى.
