سپورت • 04 مامىر، 2021

الەم بىرىنشىلىگىنىڭ جەڭىمپازدارى مەن جۇلدەگەرلەرى ماراپاتتالدى

38 رەت كورسەتىلدى

تاياۋدا عانا بوكستان پولشانىڭ كەلتسە قالاسىندا اياقتالعان جاستار اراسىنداعى الەم بىرىنشىلىگىندە جەڭىس تۇعىرىنا كوتەرىلگەن قازاقستاندىق سايىپقىراندار بۇگىن فەدەراتسيا تاراپىنان اقشالاي جانە باسقا دا باعالى سىيلىقتارمەن ماراپتاتتالدى، دەپ حابارلايدى Egemen.kz

الماتىداعى ينتەركونتينەنتال قوناق ۇيىندە وتكىزىلگەن شاراعا ايتۋلى جارىستا اتوي سالعان بوكسشىلار مەن باپكەرلەر جانە دە وسى سالانىڭ باسى-قاسىندا جۇرگەن ازاماتتار قاتىستى.

«تورتكۇل دۇنيەنىڭ ءار قيىرىنان جينالعان جالىندى جاستاردىڭ جارىسىندا جەرلەستەرىمىز وتە جاقى ناتيجە كورسەتتى. بۇل ءسوزىمىزدىڭ راستىعىن بارلىق ماماندار ءبىراۋىزدان مويىنداپ وتىر. جالپى كوماندالىق ەسەپتە ۇلدار ەكىنشى ورىن السا، قىزدار دا ۇزدىكتەر ساناتىنان كورىندى. ەگەر 2020 جىلى ەشبىر الەمدىك دەڭگەيدەگى جارىستار وتپەگەنىن ەسكەرسەك، بۇل ناتيجەگە كوڭىلىمىز تولادى ءسوز ورايى كەلگەندە، وتاندىق بوكس فەدەراتسياسىنىڭ قۇرمەتتى پرەزيدەنتى تيمۋر ق ۇلىباەۆقا جانە باپكەرلەر مەن سپورتشىلارعا ايرىقشا العىس ءبىلدىرۋدى ءجون ساناپ وتىرمىز. بۇل باعىتتا كوپ جۇمىستىڭ اتقارىلعانى داۋسىز. پولشاداعى دودادا جاسىنداي جارقىلداعان جاستارىمىز كەلەشەكتە ەرەسەكتەر دۋىنا ەركىن قوسىلىپ، تالاي بايراقتى باسەكەلەردە قازاقستان سپورتىنىڭ ابىرويىن اسقاقتاتاتىنا سەنىمىمدىمىز»، دەدى رەسپۋبليكالىق بوكس فەدەراتسياسىنىڭ پرەزيدەنتى كەڭەس راقىشەۆ.

الەم بىرىنشىلىگىندە توپ جارعان بىلعارى قولعاپ شەبەرلەرى 3 ميلليون تەڭگە كولەمىندە سىياقى السا، كۇمىس جۇلدەگەرلەرگە 1،5 ميلليون تابىس ەتىلدى. ال قولا مەدالدى ەنشىلەگەندەر 1 ميلليوندى قالتاعا باستى. سونداي-اق ۇلدار مەن قىزدار قۇرامالارىنىڭ اعا جاتتىقتىرۋشىلارى قايرات ساتجانوۆ پەن ەلدوس سەيدالين دە بۇل جيىننان قۇرالاقان قايتقان جوق.

ەستەرىڭىزگە سالا كەتەيىك، پولشادا وتكەن دۇنيەجۇزىلىك دودادا قازاقستاننىڭ 10 ورەنى جەڭىس تۇعىرىنا كوتەرىلدى. اتاپ ايتساق، سانجار تاشكەنباي مەن سابىرجان اققالىقوۆ باس جۇلدەنى ولجالادى. جۇلدىز شاياحمەتوۆا، دانا ديداي، ەلنۇر ءسۇيىنباي جانە ەربولات سابىر كۇمىس ەنشىلەسە، جاسمين قيزاتوۆا، اسەل ساعاتوۆا، ەلدانا ءتالىپوۆا جانە دياس مولجىگىتوۆ قولا مەدالدى قاناعات تۇتتى. 

سوڭعى جاڭالىقتار

ۇقساس جاڭالىقتار