نىسان قىتاي حالىق رەسپۋبليكاسىمەن شەكارادا, ترانسشەكارالىق قورعاس وزەنىنىڭ بويىندا ورنالاسقان. 2013 جىلى پايدالانۋعا بەرىلگەن بىرىككەن سۋ تورابى 14,5 مىڭ گا اۋماقتى قۇرايدى. قۇرىلىمنىڭ سۋ وتكىزۋ قابىلەتى 456,0 م3/س. دەگەنمەن, سوڭعى ءۇش جىلدا اتالعان سۋ تورابىندا سۋدىڭ از كەلۋى, كليماتتىق جاعدايدىڭ وزگەرۋى, ديحانشىلار ءۇشىن وزەكتى ماسەلەگە اينالدى. جەرگىلىكتى ماماندار مەن شارۋاقوجالىق يەلەرى قورعاس وزەنى بويىنا سۋ قويماسىن سالۋ, اتالعان ماسەلەنىڭ شەشۋ جولى ەكەندىگىن ايتادى.
ء«بىزدىڭ اۋداندا سۋارمالى سۋدىڭ جەتىسپەۋشىلىگى نەگىزگى ماسەلەلەردىڭ ءبىرى. بۇل ەكولوگيالىق احۋالعا تىكەلەي بايلانىستى. ويتكەنى تاۋداعى مۇزدىقتاردىڭ ازايۋى, سۋدىڭ از كەلۋىنە سەبەپ بولىپ جاتىر. ەكى ەل بۇل وزەن سۋىن تەڭدەي بولىسەدى. الايدا, بەرىلىپ جاتقان سۋ وزەن ارناسىمەن ءوتىپ كەتەتىن بولعاندىقتان, سۋ قويماسىن سالىپ ماسەلەنى تۇبەگەيلى شەشۋگە بولادى», دەدى «قازسۋشار» رمك الماتى فيليالى پانفيلوۆ وندىرىستىك ۋچاسكەسىنىڭ باسشىسى تۇرىسبەك نۇراحمەتوۆ.
اتالعان ۇسىنىستى نازارعا العان التاي ەلجاسوۆ, سول اۋدانداعى جەرگىلىكتى اتقارۋشى ورگانمەن بىرگە كوشپەلى جيىن وتكىزدى. وندا شارۋاگەرلەردىڭ كوتەرگەن ماسەلەلەرى قارالدى. «قازسۋشار» رمك-نى مەن جەرگىلىكتى اتقارۋشى ورگان بىرلەسىپ, جوبالىق-سمەتالىق قۇجاتتاما ازىرلەپ, قر ەكولوگيا, گەولوگيا جانە تابيعي رەسۋرستار منيسترلىگىنە جانە ۇكىمەتكە ۇسىنىس تاستاۋ جونىندە شەشىمگە كەلدى.
«جوعارىدا كوتەرىلگەن ماسەلە بويىنشا, اتالعان نىسان ترانسشەكارالىق ايماقتا ورنالاسقان. سول سەبەپتەن, بۇل ۇكىمەت دەڭگەيىندە ەكى ەل اراسىندا قاراستىرىلاتىن ماسەلە. دەسە دە, قازىر جاڭادان سالىناتىن سۋ قويماسىنىڭ ورنىن انىقتاپ, جەرگىلىكتى بيلىك جوبالىق-سمەتالىق قۇجاتتاماسىنا قاراجات قاراستىرىپ, ەكولوگيا مينيسترلىگىنە ۇسىناتىن بولادى», دەدى «قازسۋشار» رمك-نىڭ باس ديرەكتورى التاي ەلجاسوۆ.
ايتا كەتەيىك, «دوستىق» سۋ تورابى «المالى» ماگيسترالدىق كانالى ءۇشىن كوماندالىق ىسكە قوسۋ بولىپ تابىلادى. ونىڭ ىشىندە ەكى «باسقۇنشان» جانە «اياققۇنشان» كانالدارى سۋمەن قامتاماسىز ەتىلەدى. قازىرگى ۋاقىتتا نىساندى اۆتوماتتاندىرىلعان باسقارۋ بويىنشا جۇمىستار جۇرگىزىلۋدە.
