Altyn Bank پەن BI Group حولدينگى يپوتەكا راسىمدەۋ پروتسەسىن بىرلەسىپ تسيفرلاندىرۋ تۋرالى كەلىسىم جاساستى. Altyn Bank باسقارما توراعاسىنىڭ ورىنباسارى جانار ايقىمباەۆانىڭ ايتۋىنشا, كليەنتتەردى يدەنتيفيكاتسيالاۋ جۇمىستارى 2017 جىلدان بەرى جۇرگىزىلگەن.
– بانك – قاداعالاناتىن ۇيىم, ونىڭ وزىندىك پروتسەستەرى بار ەكەنى بەلگىلى. ءبىز بۇل پروتسەستەردى بارىنشا جەڭىلدەتۋگە تىرىستىق. ەڭ باستىسى ءونىمدى الۋ كليەنت ءۇشىن ىڭعايلى بولۋى ءتيىس. بۇل باستاما كليەنتتىڭ ۋاقىتىن عانا ەمەس, اقشاسىن دا ۇنەمدەيدى. ياعني ازاماتتار يپوتەكانى ونلاين راسىمدەۋ ارقىلى بانك كوميسسياسىن تولەمەيتىن بولادى, – دەيدى بانك وكىلى.
يپوتەكانى ونلاين راسىمدەۋدى قالاعان ازامات الدىمەن BI Group سايتىندا ءوتىنىش قالدىرادى. ول ءوتىنىش اۆتوماتتى تۇردە بانككە جىبەرىلەدى. بانكتىڭ وڭ شەشىمى شىققاننان كەيىن كليەنت ەتسق كىلتى ارقىلى قول قويا الادى. العاشقى تولەمدى دە بانك كارتاسى ارقىلى تولەۋگە بولادى.
بۇدان كەيىن مەملەكەتتىك ورگانداعى ۇلەستىك قاتىسۋ كەلىسىمشارتىن كۇتىپ, ءموبيلدى قوسىمشادا تىركەۋدەن ءوتىپ, Altyn-ى ەتسق-قوسىمشاسىنىڭ كومەگىمەن بارلىق بانك قۇجاتتارىنا ەلەكتروندى تۇردە قول قويۋ قاجەت. وسىنىڭ ءبارىن جيىپ-تەرگەندە بەس كۇن ۋاقىتتى الادى.
باعدارلاما شارتى بويىنشا 12 ايعا دەيىن 0,1 پايىزدان باستاپ نەمەسە 20 جىلعا دەيىن 13,5 پايىزدان باستاپ نەسيە راسىمدەۋگە بولادى. ەڭ جوعارعى زايم سوماسى – 35 ملن تەڭگە.
