2 مامىردا ساعات 12-22-دە نۇر-سۇلتان قالاسىنىڭ تجد ءورت ءسوندىرۋ بولىمشەلەرى كەلىپ تۇسكەن حابارلاماعا بايلانىستى سارىارقا اۋدانى, بوگەنباي داڭعىلى 73/1 مەكەنجايى بويىنشا شىقتى. كەلگەن بويدا قۇرعاق ءشوپتىڭ جانۋى جانە ءورت جاقىن ماڭداعى جەكە ۇيگە تارالىپ كەتكەنى انىقتالدى.
«قىزمەتتىڭ ينسپەكتورلارى اتالعان اۋماقتى تىڭعىلىقتى تەكسەردى. وسى ورايدا كامەرالارعا ءورت بولعان جەردەن جاسىرىنعان كۇدىكتى ادامدار ءتۇسىپ قالعان», دەدى پوليتسيا دەپارتامەنتى جەدەل باسقارۋ ورتالىعىنىڭ باسشىسى قايرات راۋشانوۆ.
ەلوردا تۇرعىندارى ساعات 12:30 كەزىندە الكوگولدىك ىشىمدىك ءىشىپ وتىرعان. ولاردىڭ ءبىرى جانعىش زاتپەن قاپتالعان سىمداردى ورتەگەن. وسىنىڭ سالدارىنان قىزىل جالىن تەز ارادا قۋراپ تۇرعان قامىسقا تارالعان. قازىرگى كەزدە كۇدىكتى ۇستالىپ, قىلمىستىق ءىس قوزعالدى.
