ەل ۇكىمەتى ەۋرووداق ماقۇلداعان 12 اپتالىق ماكسيمالدى ارالىقتىڭ شەڭبەرىنەن شىعىپ كەتكەن. ويتكەنى يسپانيا – ەۋروپالىق ءدارى-دارمەك اگەنتتىگىنىڭ نۇسقاۋىنسىز, ءوز بەتىنشە ارەكەت ەتىپ جۇرگەن ەلدەردىڭ ءبىرى. وعان قوسا, ءدارى-دارمەكتەردى وڭدى-سولدى پايدالانۋدىڭ سوڭى باسقا ەلدەرگە دە اسەر ەتۋى مۇمكىن.
وسىعان وراي ەلدىڭ دەنساۋلىق مينيسترلىگى مەرزىمدى ۇزارتۋ كەيبىر ولقىلىقتاردى ورنىنا قويىپ, ءتيىمدى شەشىمدى قابىلداۋعا سەپتىگىن تيگىزەدى دەپ وتىر.
يسپانيا بيلىگى باستاپقى كەزەڭدە 18 بەن 65 جاس ارالىعىنداعى جۇمىسشىلارعا AstraZeneca ۆاكتسيناسىن سالعان ەدى. بىراق جاس اعزالاردا قان ۇيىپ, كەرى اسەر بەرگەندىكتەن, ۆاكتسينانى تەك 60 جاستان اسقان ادامدارعا ەگۋگە رۇقسات ەتىلدى.
سونىمەن بىرگە بيىل ناۋرىز ايىندا يسپانيانىڭ 43 جاستاعى تۇرعىنى AstraZeneca ۆاكتسيناسىمەن ەگىلىپ, كوپ ۇزاماي ميعا قان كەتۋىنەن قايتىس بولعان. بەلگىلى بولعانداي, ول بۇرىن-سوڭدى ەشقانداي اۋرۋمەن سىرقاتتانباعان.
