قىرعىز رەسپۋبليكاسىنىڭ دەلەگاتسياسىن ۇلتتىق قاۋىپسىزدىك مەملەكەتتىك كوميتەتىنىڭ توراعاسى قامشىبەك تاشيەۆ, تاجىك تاراپىن تر ۇلتتىق قاۋىپسىزدىك مەملەكەتتىك كوميتەتىنىڭ توراعاسى سايمۋمين ياتيموۆ باسقاردى.
«كەزدەسۋ بارىسىندا قىرعىز-تاجىك مەملەكەتتىك شەكاراسىنداعى احۋالدى شەشۋگە باعىتتالعان ءىس-شارالار تۋرالى پىكىر الماسۋ بولدى. قىرعىزستان مەن تاجىكستان دەلەگاتسيالارىنىڭ باسشىلارى قىرعىز-تاجىك مەملەكەتتىك شەكاراسىنداعى قاقتىعىستى بەيبىت جولمەن رەتتەۋ قاجەتى تۋرالى ءوزارا تولىق تۇسىنىستىك ءبىلدىردى», دەلىنگەن حابارلامادا.
ەكى تاراپ مەملەكەتتىك شەكارانىڭ قالعان ۋچاسكەلەرىندە قىرعىز-تاجىك شەكاراسىنىڭ جوبالىق سىزىعىنىڭ سيپاتىن كۇشەيتۋ تۋرالى كەلىسىمگە كەلگەنى اتاپ ءوتىلدى.
ۇكىمەتتىك دەلەگاتسيالار وتىرىسىنىڭ قورىتىندىسى بويىنشا بىرلەسكەن حاتتاماعا قول قويىلدى.
