قىمباتتى وتانداستار!
ەلىمىزدەگى پراۆوسلاۆ حريستياندارىن كوكتەمنىڭ جارقىن مەرەكەسى – پاسحامەن قۇتتىقتايمىن! بۇل قاستەرلى مەيرام جۇرتشىلىقتى قايىرىمدىلىق جاساۋعا, جاقىنعا جاناشىر بولىپ, مۇقتاج جاندارعا قامقورلىق كورسەتۋگە ۇندەيدى. پاسحا داستۇرلەرى جاڭارۋ مەن جاقسىلىقتى, مەيىرىمدىلىك پەن ادىلدىكتى دارىپتەيدى. جاھاندىق ىندەت ءبارىمىزدى سىنعا سالعان قازىرگى كەزەڭدە جالپىادامزاتقا ورتاق وسى قۇندىلىقتاردىڭ ماڭىزى ارتىپ, ءوزارا تۇسىنىستىكتى, تاتۋلىق پەن كەلىسىمدى نىعايتۋعا سەپتىگىن تيگىزۋدە. بۇگىنگى شۋاقتى مەرەكە ءار شاڭىراقتى باقىت پەن قۋانىشقا بولەي بەرسىن!
بارشاڭىزعا زور دەنساۋلىق, باق-بەرەكە جانە تولاعاي تابىس تىلەيمىن!
پاسحا مەرەكەسى قۇتتى بولسىن!
