ءوڭىر جۇرتشىلىعى رەسەيلىك «سپۋتنيك V» جانە قازاقستاندىق «QazCovid» ۆاكتسينالارىن سالدىرۋعا نيەت بىلدىرۋدە. بۇگىنگى كۇنگە دەيىن «سپۋتنيك V» ۆاكتسيناسىنىڭ 56300 دوزاسى جەتكىزىلىپ, ونىڭ 38942 دوزاسى يگەرىلدى. اتالعان ۆاكتسينانىڭ 29700-ءى وبلىس ورتالىعىنداعى ەمحانالارعا تاراتىلىپ, 20802-ءى پايدالانىلدى. ال «QazCovid» ازىرگە تەك قىزىلوردا قالاسى تۇرعىندارىنا سالىنۋدا. «قازىرگى تاڭدا قاتەرلى ىندەتكە ەكپە قابىلداعان ازاماتتار قاتارىندا وبلىس ورتالىعى تۇرعىندارى 21161 ادامدى قۇراسا, ول اۋدانداردا 18440 ادامعا جەتتى. ايتا كەتەرلىگى, كۇننەن-كۇنگە ۆاكتسينا سالدىرۋشىلار قاتارى ارتىپ كەلەدى. ماسەلەن, 30 ساۋىردە 6832 ادام سول تىزىمگە ەنگىزىلدى», دەدىقىزىلوردا وبلىستىق دەنساۋلىق ساقتاۋ باسقارماسىنان.
