قالا تۇرعىندارى 1 مامىر كۇنگى قالا كوشەلەرىندەگى جاعدايدى الەۋمەتتىك جەلىگە جاريالاپ جاتىر. تاڭعى ساعات 6:00-دە ءال-فارابي مەن نازارباەۆ داڭعىلىنىڭ قيىلىسىنداعى جولدىڭ تۋننەل بولىگى سۋ استىندا قالدى.
قالا اكىمدىگىنىڭ مالىمەتىنشە, كوپىر استىندا ەلەكتر قۋاتىنىڭ بولماۋىنا بايلانىستى سورعى ءسونىپ, كوپ مولشەردە سۋ جينالعان.
«قازىرگى ۋاقىتتا بۇل جەردە قالالىق كوممۋنالدىق قىزمەتى «الماتى تازالىق», «الماتى سۋ», «109 قۇتقارۋ قىزمەتى» وكىلدەرى ەكى ارنايى تەحنيكا مەن التى موتور سورعىسى جۇمىس ىستەپ جاتىر. سورعى ستانتسياسى دا ىسكە قوسىلدى», دەدى قالالىق بيلىك وكىلدەرى.
سونداي-اق, قالا تۇرعىندارى قالانىڭ وڭتۇستىك بولىگىندەگى تاۋلى ايماقتا تۇسىرىلگەن ۆيدەونى جاريالادى. كۋاگەرلەردىڭ ايتۋىنشا, نوسەر جاڭبىردىڭ سالدارىنان بۇل اۋدانداردا كوشكىن قاۋپى ءجۇرۋى مۇمكىن.
