قۇرمەتتى دوستار!
بارشاڭىزدى قازاقستان حالقىنىڭ بىرلىگى كۇنىمەن شىن جۇرەكتەن قۇتتىقتايمىن!
ەلباسىمىزدىڭ باستاماسىمەن ومىرگە كەلگەن بۇل كۇن – تاتۋلىق پەن دوستىقتى دارىپتەيتىن جانە ىرىس پەن ىنتىماقتى ەسەلەيتىن ەرەكشە مەيرام. ءبىز بەيبىتشىلىك پەن كەلىسىمدى, تىنىشتىق پەن تۇراقتىلىقتى نىعايتۋ ارقىلى بۇكىل الەمگە ەلدىكتىڭ ەرەن ۇلگىسىن كورسەتتىك. سونىڭ ارقاسىندا تاۋەلسىزدىك تۇعىرىن بيىكتەتىپ, تولاعاي تابىستارعا قول جەتكىزدىك.
قازىرگى تاڭدا مەملەكەت باسشىسى وسى ساباقتاستىقتى ساقتاي وتىرىپ, بارشا قازاقستاندىقتى ورتاق ماقسات پەن مۇددە جولىندا جۇمىلدىرۋعا باسا ءمان بەرىپ كەلەدى. بۇل بۇگىنگىدەي كۇردەلى كەزەڭدە اسا ماڭىزدى. سوندىقتان بەرەكە-بىرلىگىمىزدى ارتتىرۋ ءبارىمىزدىڭ ابىرويلى مىندەتىمىز بولۋعا ءتيىس. سول ارقىلى بارلىق سىن-قاتەرگە توتەپ بەرىپ, پرەزيدەنتىمىزدىڭ جاڭعىرۋ باعدارىن تابىستى ىسكە اسىرامىز.
بىرلىك كۇنىمەن قۇتتىقتاي وتىرىپ, سىزدەرگە زور دەنساۋلىق جانە اماندىق تىلەيمىن! ەلىمىزدىڭ ەرتەڭى جارقىن, كەلەشەگى كەمەل بولسىن! قازاق ەلى ماڭگى جاساي بەرسىن!
