نۇرسۇلتان نازارباەۆ حالقىمىزدىڭ ءبىرتۋار ءانشى-كومپوزيتورى, قازاق كسر-نىڭ حالىق ءارتىسى, مەملەكەتتىك سىيلىقتىڭ لاۋرەاتى ەسكەندىر حاسانعاليەۆتىڭ ومىردەن وزعانى تۋرالى سۋىت حاباردى كۇيزەلىسپەن قابىلدادى.
قازاقستاننىڭ تۇڭعىش پرەزيدەنتى ورنى تولماس اۋىر قايعىعا ورتاقتاسىپ, كوڭىل ايتتى.
«ەسكەندىر حاسانعاليەۆ ءوزىنىڭ قايتالانباس تۋىندىلارى ارقىلى قازاق مۋزىكا ونەرىنىڭ وركەندەۋىنە ولشەۋسىز ۇلەس قوستى. ونىڭ «اتامەكەن», «ادەمى-اۋ», «ەسكىرمەگەن ماحاببات» سياقتى پاتريوتتىق جانە ليريكالىق اندەرى قالىڭ كوپشىلىكتىڭ جۇرەگىنەن ەرەكشە ورىن الىپ, قازاقستاندىقتاردىڭ تۋعان جەرگە دەگەن سۇيىسپەنشىلىگى مەن وتانشىلدىق سەزىمىن كۇشەيتە ءتۇستى.
تالانتتى تۇلعانىڭ ارتىندا قالدىرعان مول مۋزىكالىق مۇراسى مەن ونىڭ جارقىن بەينەسى جۇرتشىلىق جادىندا ءاردايىم ساقتالادى دەپ كامىل سەنەمىن», دەلىنگەن جەدەلحاتتا.
