حالىقتى ۆاكتسيناتسيالاۋمەن بارىنشا قامتاماسىز ەتۋ ءۇشىن 1 مىڭنان استام ەگۋ پۋنكتى اشىلدى جانە 400 جىلجىمالى/كوشپەلى ەگۋ پۋنكتتەرى ىسكە قوسىلدى. جاپپاي ۆاكتسيناتسيالاۋعا 11 مىڭعا جۋىق مەديتسينا قىزمەتكەرى تارتىلعان. ۆاكتسيناتسيا ەلدەگى ەپيدەميولوگيالىق جاعدايدى تۇراقتاندىرۋعا مۇمكىندىك بەرەدى.
ول حالىقتىڭ يممۋنوپروفيلاكتيكاسى ءۇشىن e-gov mobile «ۆاكتسيناتسيا» سەرۆيسىن, sms-حابارلامالاردى, جەكە كابينەتتى پايدالانۋ, سونداي-اق «تسيفرلىق قۇجاتتار» سەرۆيسىندە ۆاكتسيناتسيا پاسپورتىن ەنگىزۋ ارقىلى IT-تەحنولوگيالاردىڭ مۇمكىندىكتەرى كەڭىنەن پايدالانىلاتىنىن ايتتى.
بولاشاقتا ۆاكتسيناتسيا پاسپورتىن قولدانۋ كەڭەيتىلەدى. ۆاكتسيناتسيالاۋ جۇرگىزۋ تۋرالى دەرەكتەر ەلەكتروندىق فورماتتا ورنالاستىرىلادى. بۇل ۆاكتسينالانعانداردىڭ سانىن ەسەپكە الۋعا جانە ۆاكتسيناتسيا كولەمىن جوسپارلاۋ جانە سىرقاتتانۋشىلىقتى بولجاۋ ءۇشىن بولاشاقتا حالىقتىڭ يممۋندىق مارتەبەسىن قاداعالاۋعا مۇمكىندىك بەرەدى.
«ۆاكتسيناتسيا پاسپورتى مىناداي دەرەكتەردى قامتيدى: ادام قانداي پرەپاراتتار الدى, قانداي دوزالاردا, قانداي كۇندەردە, قۇجاتتى تالاپ ەتۋ ورنى بويىنشا كورسەتۋگە جانە QR-كودتىڭ كومەگىمەن قولجەتىمدىلىكتى اشۋعا مۇمكىندىك بەرەدى. ۆاكتسيناتسيا پاسپورتى ۆاكتسينانىڭ 2 كومپونەنتىن العاننان كەيىن بەرىلەدى», دەدى تسوي كوپشىلىكتىڭ قىزىعۋشىلىعىن تۋدىرعان سۇراققا.
ۆاكتسيناتسيا پاسپورتىن بىرىكتىرۋ ءۇشىن IATA حالىقارالىق اۋە كولىگى قاۋىمداستىعىمەن ىنتىماقتاستىق ماسەلەسى قاراستىرىلۋدا. ال 2021 جىلدىڭ 1 شىلدەسىنەن باستاپ ۆاكتسيناتسيا پاسپورتىن «Ashyq» قوسىمشاسىمەن بىرىكتىرۋ جۇزەگە اسىرىلادى.
«شەكتەۋ شارالارى مەن بيزنەس جۇمىسى اراسىنداعى تەڭگەرىمدى ورناتۋ ماقساتىندا 2021 جىلدىڭ قاڭتارىندا «Ashyq» ءموبيلدى قوسىمشاسىن ەنگىزۋ بويىنشا پيلوتتى ىسكە اسىرۋ باستالدى. بۇل قوسىمشا رەسپۋبليكانىڭ بارلىق وڭىرلەرىنە اۋقىمداندىرىلعان, بۇل ونىڭ قاتىسۋشىلارىنا شەكتەۋ شارالارى رەجيمىندە جۇمىس ىستەۋگە مۇمكىندىك بەردى. «Ashyq» دەنساۋلىق جانە سۇلۋلىق, كولىك, مادەنيەت, قوعامدىق تاماقتانۋ, ويىن-ساۋىق وبەكتىلەرىندە, ءىرى ونەركاسىپتىك كاسىپورىنداردا, بانكتەردە, حقكو مەن جوو-دا جۇزەگە اسىرىلادى», دەدى مينيستر.
ۆاكتسيناتسيا پاسپورتىمەن قاتار جىلۋ كارتالارى ەنگىزىلەدى. بۇل تەلەكوممۋنيكاتسيالىق دەرەكتەر بازاسىندا پاندەميا كەزەڭىندە قالانىڭ بەلسەندىلىگىن تالداۋ جۇيەسى. جىلۋ كارتالارى تۇرعىنداردىڭ شوعىرلانۋ ورىندارىن, شۇعىل قىزمەتتەرگە قوڭىراۋ شالۋ ورىندارىن, وبلىستىق كوشى-قون اعىندارىن انىقتاۋعا مۇمكىندىك بەرەدى. جىلۋ كارتالارىن پايدالانۋ بويىنشا پيلوتتىق جوبا الماتى قالاسىندا ىسكە اسىرىلۋدا.
