دەنساۋلىق ساقتاۋ جۇيەسى تاپ بولعان سىن-قاتەرلەردى ەسكەرە وتىرىپ جانە مەملەكەت باسشىسىنىڭ تاپسىرمالارىنا سايكەس مينيسترلىك قىزمەتتىڭ جاڭا باسىمدىقتارىن قالىپتاستىرىپ, نازار اۋداردى. ولاردىڭ ىشىندە – ءمامس شەڭبەرىندە حالىققا مەديتسينالىق قىزمەت كورسەتۋ ساپاسىن ارتتىرۋ جونىندەگى جۇمىستى كۇشەيتۋ, باستاپقى مەديتسينالىق كومەكتى ۇيىمداستىرۋ تاسىلدەرىن تۇبەگەيلى قايتا قاراۋ, كولىك مەديتسيناسىن كۇشەيتۋ, بارلىق وڭىرلەردە ءىرى زاماناۋي اۋرۋحانالار سالۋ, وڭىرلەردە ينفەكتسيالىق اۋرۋحانالار سالۋ, ەلدى مەكەندەردى فەلدشەرلىك-اكۋشەرلىك پۋنكتتەرمەن جانە دارىگەرلىك امبۋلاتوريالارمەن قامتاماسىز ەتۋ, مەديتسينا قىزمەتكەرلەرىنىڭ جالاقىسىن ارتتىرۋ, مەديتسينالىق مەكەمەلەردى كادرلارمەن قامتاماسىز ەتۋدىڭ ورتا مەرزىمدى بولجامىن قالىپتاستىرۋ, مەديتسينالىق جانە فارماتسەۆتيكالىق ونەركاسىپتى دامىتۋ.
بۇل جۇمىس 2021 جىلى دا جالعاساتىن بولادى. ول ءۇشىن پرەزيدەنتتىڭ 2020 جىلعى 1 قىركۇيەكتەگى «قازاقستان جاڭا ءىس-قيمىل كەزەڭىندە» اتتى ەل حالقىنا جولداۋىن ىسكە اسىرۋ شەڭبەرىندە قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىن ۇلتتىق جوباعا ترانسفورماتسيالاۋ بويىنشا جۇمىس باستالدى.
«دەنى ساۋ ۇلت» ۇلتتىق جوباسى قازاقستان رەسپۋبليكاسىنىڭ 2025 جىلعا دەيىنگى ۇلتتىق دامۋ جوسپارىنىڭ, Nur Otan پارتياسىنىڭ «وزگەرىستەر جولى: اركىمگە لايىقتى ءومىر!», دەنساۋلىق ساقتاۋ سالاسىن دامىتۋدىڭ 2020-2025 جىلدارعا ارنالعان مەملەكەتتىك باعدارلاماسى, 2030 جىلعا دەيىنگى تۇراقتى دامۋ ماقساتتارىنىڭ ۇلتتىق ينديكاتورلارى», دەدى ا.تسوي.
ۇلتتىق جوبانىڭ نەگىزگى باعىتتارى: «دەنساۋلىق ساقتاۋدى دامىتۋ», «ەپيدەميولوگيالىق بولجاۋ مەن دەن قويۋدىڭ قازىرگى زامانعى جۇيەسىن قالىپتاستىرۋ», «قازاقستاننىڭ وتاندىق فارماتسەۆتيكالىق ونەركاسىبى», «بۇقارالىق سپورتتى دامىتۋ». نەگىزگى ۇلتتىق ينديكاتور 2026 جىلعا قاراي ءومىر ءسۇرۋ ۇزاقتىعىنىڭ 75 جاسقا دەيىن ءوسۋى بولىپ تابىلادى.
«دەنى ساۋ ۇلت» ۇلتتىق جوباسىن ىسكە اسىرۋ ناتيجەسىندە دەنساۋلىق ساقتاۋدى قارجىلاندىرۋ كولەمىن بارلىق كوزدەردەن ەلدىڭ ءجىو-ءنىڭ 5%-ىنا دەيىن ۇلعايتۋ, جىل سايىن ەكستراكورپورالدىق ۇرىقتاندىرۋدى جۇرگىزۋگە 7000 كۆوتا ءبولۋ, وڭىرلەردە 20 زاماناۋي مەديتسينالىق ورتالىق سالۋ, اۋىلدىق ەلدى مەكەندەردە 137 فەلدشەرلىك-اكۋشەرلىك, مەديتسينالىق پۋنكتتەر مەن دارىگەرلىك امبۋلاتوريالار اشۋ كۇتىلۋدە. بۇدان باسقا ءمامس قاراجاتى ەسەبىنەن ءاربىر ازامات ءۇشىن قىمبات تۇراتىن مەديتسينالىق قىزمەتتەردىڭ قولجەتىمدىلىگىن قامتاماسىز ەتۋ جانە كۆوتالاردى 1,3 ملن-نان ۇلعايتۋ جوسپارلانۋدا. دارىگەرلەردىڭ ورتاشا جالاقىسىن 2,5 ەسەگە ارتتىرۋ, سونداي-اق وتاندىق وندىرىستەگى دارىلىك زاتتار مەن مەديتسينالىق بۇيىمداردىڭ ۇلەسىن 50% دەيىن ۇلعايتۋ.
دەنساۋلىق ساقتاۋ سالاسىندا قاجەتتى قايتا قۇرۋلار ۆەكتورىن ايقىنداۋ ءۇشىن مينيسترلىك دەنساۋلىق ساقتاۋ جۇيەسىن ودان ءارى دامىتۋ پەرسپەكتيۆاسىنىڭ پايىمىن قالىپتاستىردى, ولار دەنساۋلىق ساقتاۋ تيىمدىلىگىن ارتتىرۋعا, مەديتسينالىق كومەكتىڭ قولجەتىمدىلىگى مەن ساپاسىن قامتاماسىز ەتۋگە باعىتتالاتىن بولادى.
«ۇسىنىلىپ وتىرعان مودەلدە ءبىز پاتسيەنتتىڭ قاجەتتىلىكتەرىنە باستى باسىمدىق بەرۋدى جوسپارلاپ وتىرمىز. وسى قاجەتتىلىكتەردىڭ نەگىزىندە دەنساۋلىق ساقتاۋ ۇيىمدارىنداعى سەرۆيستى جاقسارتۋ, مەديتسينالىق ۇيىمداردى قولدا بار قاجەتتىلىككە سايكەس كادرلىق قامتاماسىز ەتۋ, دەنساۋلىق ساقتاۋ پروتسەستەرىن اۆتوماتتاندىرۋ جانە اقپاراتتاندىرۋ بولىگىندە جەدەل شەشىمدەر قابىلدانۋى ءتيىس», دەپ اتاپ ءوتتى دەنساۋلىق ساقتاۋ مينيسترلىگىنىڭ باسشىسى.
بۇل رەتتە دەنساۋلىق ساقتاۋ سالاسىنداعى قاجەتتى ستاندارتتاردى, نورماتيۆتىك قۇقىقتىق اكتىلەردى ازىرلەۋ, ەڭ الدىمەن, حالىقتىڭ مۇقتاجدىعى تۇرعىسىنان قالىپتاستىرىلاتىن بولادى. ا. تسويدىڭ ايتۋىنشا, مەديتسينالىق كومەكتىڭ قولجەتىمدىلىگىن قامتاماسىز ەتۋ جانە ساپاسىن ارتتىرۋ ءۇشىن مەديتسينالىق ۇيىمداردى ماتەريالدىق-تەحنيكالىق قامتاماسىز ەتۋ, جاڭا دەنساۋلىق ساقتاۋ نىساندارىن سالۋ نەمەسە توزعان نىسانداردى جوندەۋ بويىنشا شارالار قابىلداناتىن بولادى. مۇنىڭ ءبارى, سايىپ كەلگەندە, جۇمىستى جەتىلدىرۋگە, قالادا دا, اۋىلدا دا مەديتسينالىق كومەك كورسەتۋدى كۇشەيتۋگە, سونداي-اق دەنساۋلىق ساقتاۋ جۇيەسىن ەستۋگە مۇمكىندىك بەرەدى.
