مەديتسينا • 30 ءساۋىر، 2021

الەكسەي تسوي دەنساۋلىق ساقتاۋ سالاسىنداعى ماسەلەلەردى ءتىزىپ بەردى

774 رەت كورسەتىلدى

قىسقا مەرزىم ىشىندە ازاماتتاردىڭ دەنساۋلىعىن ساقتاۋعا ايتارلىقتاي كۇشتەر مەن قاراجات جۇمىلدىرىلدى. بۇل تۋرالى بۇگىن حالىق الدىندا ەسەپ بەرۋ كەزدەسۋىندە دەنساۋلىق ساقتاۋ ءمينيسترى الەكسەي تسوي ءمالىم ەتتى، دەپ حابارلايدى Egemen.kz

«دەنساۋلىق ساقتاۋ سالاسىندا كوپتەگەن ماسەلەلەر بار، ولارعا نازار اۋدارۋ قاجەت. سالانىڭ بىرقاتار ماڭىزدى كورسەتكىشتەرى تومەندەدى. بۇل ەڭ الدىمەن انا ولىمىنە قاتىستى. سونداي-اق جۇرەك-قانتامىر جۇيەسى اۋرۋلارىنان بولاتىن ءولىم-ءجىتىمنىڭ 15 پايىزعا وسكەنى بايقالدى. مۇنىڭ ءبارى كوروناۆيرۋستىق ينفەكتسيانىڭ پاندەمياسىمەن بايلانىستى»، دەدى مينيستر.

ءمينيستردىڭ ايتۋىنشا، وسى پروبلەمالاردى شەشۋ ءۇشىن بۇرىن-سوڭدى بولماعان شارالار قابىلداندى.

«قازىرگى ۋاقىتتا دەنساۋلىق ساقتاۋ جۇيەسى ءۇشىن نەگىزگى باسىمدىق العاشقى مەديتسينالىق-سانيتاريالىق كومەكتىڭ قولجەتىمدىلىگى مەن ساپاسىن قامتاماسىز ەتۋ بولىپ سانالادى.

بۇگىنگى تاڭدا حالىققا مەديتسينالىق قىزمەتتەردى 7 مىڭنان استام امبۋلاتوريالىق-ەمحانالىق ۇيىم كورسەتەدى، ونىڭ ىشىندە مەملەكەتتىك 59%، جەكە مەنشىك - 41%. ۋچاسكەلىك دارىگەردىڭ جۇكتەمەسىن ازايتۋ ءۇشىن ءبىز 2020 جىلى قوسىمشا جالپى پراكتيكا دارىگەرلەرىنىڭ 480 ۋچاسكەسىن اشتىق. مەديتسينالىق كومەكتىڭ قولجەتىمدىلىگىن قامتاماسىز ەتۋ ماقساتىندا ەل وڭىرلەرىندە 63 امبۋلاتوريالىق-ەمحانالىق نىسان سالىنىپ، پايدالانۋعا بەرىلدى. مەديتسينالىق-سانيتاريالىق العاشقى كومەكتى قارجىلاندىرۋ وتكەن جىلى دەنساۋلىق ساقتاۋدى قارجىلاندىرۋدىڭ جالپى كولەمىنىڭ 52،4%-ىنا دەيىن جەتكىزىلدى. بۇل رەتتە، دارىلىك زاتتارعا جازىپ بەرىلگەن جەڭىلدىكتى رەتسەپتىلەر سانى 13،7 ميلليونعا جەتتى»، دەدى ا. تسوي.

سونداي-اق ەل حالقى سكرينينگتىك زەرتتەۋلەرمەن قامتاماسىز ەتىلگەن، ولاردىڭ سانى 2020 جىلى 12 ملن زەرتتەپ-قاراۋدى قۇرادى. ناتيجەسىندە، 600 مىڭنان استام اۋرۋ انىقتالدى.

«قانت ديابەتى، گيپەرتونيا جانە جۇرەك فۋنكتسياسىنىڭ سوزىلمالى جەتكىلىكسىزدىگى بويىنشا اۋرۋلارعا قاتىستى باعدارلامانى ىسكە اسىرۋ جالعاسۋدا. 2020 جىلى ديناميكالىق باقىلاۋداعى پاتسيەنتتەردىڭ 55 پايىزى وسى باعدارلاماعا قاتىستى. ءبىز موبيلدىك مەديتسينانى بەلسەندى ەنگىزۋدەمىز. ۇيدە مەديتسينالىق كومەك كورسەتۋ ءۇشىن موبيلدىك بريگادالاردىڭ سانى 3 مىڭ 700-گە جەتتى، ونىڭ 49 پايىزى اۋىلدا. بۇل رەتتە، 2020 جىلى ولار 750 مىڭنان استام مەديتسينالىق قىزمەت كورسەتتى. بۇل ۇيدە كۆي بار ناۋقاستارعا مەديتسينالىق كومەك كورسەتۋدە ماڭىزدى ءرول اتقاردى»، دەدى مينيستر.

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار