سەناتتاعى كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ حاتشىسى قاناتبەك سافينوۆ وتىرىستى اشا كەلىپ,زياتكەرلىك مەنشىك قۇقىعىن قورعاۋ ەلدىڭ ەكونوميكالىق ءوسۋ قارقىنىن قامتاماسىز ەتۋدەگى ماڭىزدى شارتتاردىڭ ءبىرى ەكەنىن اتاپ ءوتتى. قازاقستان دسۇ-عا كىرگەننەن كەيىن ول ماڭىزدى ماسەلەگە اينالىپ وتىر. سەناتور سونداي-اق پارلامەنت دەپۋتاتتارى ۆلاديمير ۆولكوۆ, ساۋلە ايتپاەۆا جانە گۇلنارا بيجانوۆا باستاماسىمەن ازىرلەنگەن زاڭ جوباسى زياتكەرلىك مەنشىك سالاسىنداعى زاڭنامانى جەتىلدىرۋگە ىقپال ەتءۋى ءتيىس ەكەنىن اتاپ ءوتتى.
«ۇسىنىلىپ وتىرعان تۇزەتۋلەر قۇقىقتاردى ۇجىمدىق نەگىزدە باسقاراتىن ۇيىمدار مەن قازاقستان رەسپۋبليكاسىنداعى پاتەنتتىك سەنىم بىلدىرىلگەن وكىلدەر قىزمەتىنىڭ اشىقتىعىن ارتتىرۋعا باعىتتالعان. ەىدۇ ەلدەرىنىڭ تاجىريبەسىنە سايكەس سونداي زياتكەرلىك مەنشىك وبەكتىسىن «گەوگرافيالىق كورسەتكىش» رەتىندە ەنگىزۋ, سونداي-اق تاۋارلىق بەلگىلەر قۇقىعىن قورعاۋدى كۇشەيتۋ كوزدەلىپ وتىر», دەدى قاناتبەك سافينوۆ.
ادىلەت ءمينيسترىءنىڭ ورىنباسارى اقەركە احمەتوۆا زياتكەرلىك مەنشىك سالاسىن دامىتۋ تۇجىرىمداماسى مەن جول كارتاسى جوباسىن دايىنداۋ بارىسى تۋرالى سەناتورلارعا ايتىپ بەردى. ونىڭ ايتۋىنشا, تۇجىرىمدامادا زياتكەرلىك مەنشىك قۇقىعىن قورعاۋ مەن قورعاۋعا بايلانىستى بارلىق مەملەكەتتىك ورگانداردىڭ قىزمەتىن قامتۋ ۇسىنىلعان.
2020 جىلى زياتكەرلىك مەنشىك ينستيتۋتى 14 مىڭنان استام قىزمەت كورسەتكەن بولاتىن. ولاردىڭ ىشىندە زياتكەرلىك مەنشىك وبەكتىلەرىنءىڭ قۇقىقتارىن تىركەۋ جانە قورعاۋ قۇجاتتارىن بەرۋ, اۆتورلىق قۇقىقپەن قورعالاتىن جانە ت. ب. وبەكتىلەرگە قۇقىقتاردىڭ مەملەكەتتىك تىزىلىمىنە مالىمەتتەردى ەنگىزۋ جانە ولاردى وزگەرتۋ دە بار.
سەناتور قاناتبەك سافينوۆ كەزدەسۋدى قورىتىندىلاي كەلe, مينيسترلىك پەن ينستيتۋت ۇسىنعان اقپارات نازارعا الىناتىنىن جانە كەيىننەن زاڭ شىعارۋ قىزمەتىندە ەسكەرىلەتىنىن اتاپ ءوتتى.
