جيىنعا ارمەنيا قاۋىپسىزدىك كەڭەسىنىڭ حاتشىسى ارمەن گريگوريان, بەلورۋسيانىڭ قاۋىپسىزدىك كەڭەسى مەملەكەتتىك حاتشىسى الەكساندر ۆولفوۆيچ, قىرعىزستان قاۋىپسىزدىك كەڭەسىنىڭ حاتشىسى رىسكەلدي مۋساەۆ, رەسەي قاۋىپسىزدىك كەڭەسىنىڭ حاتشىسى نيكولاي پاترۋشەۆ, تاجىكستان قاۋىپسىزدىك كەڭەسىنىڭ حاتشىسى ناسرۋللو ماحمۋدزودا جانە ۇقشۇ باس حاتشىسى س.زاس قاتىستى.
كەزدەسۋ بارىسىندا قاۋىپسىزدىك كەڭەسىنىڭ حاتشىلارى حالىقارالىق جانە وڭىرلىك قاۋىپسىزدىكتىڭ ەڭ وزەكتى ماسەلەلەرى بويىنشا پىكىر الماسىپ, ۇقشۇ-نىڭ قازىرگى احۋالى مەن دامۋ پەرسپەكتيۆالارىن تالقىلادى.
اسەت يسەكەشەۆ ارىپتەستەرىن ۇقشۇ قىزمەتىنىڭ ماڭىزدى باعىتتارى بويىنشا قازاقستاننىڭ ۇستانىمى تۋرالى حاباردار ەتىپ, ەلىمىزدىڭ مۇددەلەرىن ەسكەرە وتىرىپ, ۇيىمدى ودان ءارى ۇيلەسىمدى دامىتۋ جونىندە بىرقاتار ۇسىنىستار ايتتى.
جيىندا حالىقارالىق تەرروريزم, كيبەرقىلمىس, ەسىرتكىنىڭ زاڭسىز اينالىمى سياقتى سىن-تەگەۋرىندەر مەن قاۋىپتەرگە قارسى ءىس-قيمىلدىڭ پراكتيكالىق شارالارىنا ەرەكشە نازار اۋدارىلدى.
وتىرىس قورىتىندىسى بويىنشا ءىس-شاراعا قاتىسۋشىلار ۇيىم شەڭبەرىندە ءوزارا ءىس-قيمىلدى جەتىلدىرۋگە باعىتتالعان بىرقاتار قۇجاتقا قول قويدى.
قاۋىپسىزدىك كەڭەسى حاتشىلارى كوميتەتىنىڭ كەزەكتى وتىرىسىن 2021 جىلدىڭ ءتورتىنشى توقسانىندا, ۇقشۇ ۇجىمدىق قاۋىپسىزدىك كەڭەسىنىڭ سەسسياسى قارساڭىندا دۋشانبە قالاسىندا وتكىزۋ تۋرالى شەشىم قابىلداندى.
