فاريدا اعىباەۆانىڭ ايتۋىنشا, قازىر قالادا ەكپە سالاتىن 211 پۋنكت جۇمىس ىستەپ جاتىر. سونداي-اق 40 كوشپەلى ءموبيلدى بريگادا بار.
«قالقامان» اۋماعىنداعى جانە «نۇر» مەشىتىنە كەلۋشىلەرگە ۆاكتسيناتسيا پۋنكتتەرى اشىلىپ, جۇمىس ىستەپ جاتىر. 30 ساۋىرگە دەيىن «مۋزامميل», ء«ال-ءمادينا», «ابدۋللا», «الماتى ورتالىق مەشىتى» مەشىتتەرىنىڭ اۋماعىندا تاعى دا بىرنەشە پۋنكتتەر اشۋ جوسپارلانۋدا. «الماتى ورتالىق مەشىتىنىڭ» ۆاكتسيناتسيالاۋ پۋنكتى جىلجىمالى جانە ۇجىمدىق قىزمەت كەزىندە جۇمىس ىستەيدى. سونداي-اق, «ۆوزنەسەنسك كافەدرالدى شىركەۋى» مەن «حرام حريستا سپاسيتەليا» شىركەۋىندە اشىلدى, ولار جەكسەنبى كۇنى دە جۇمىس ىستەيدى», دەدى فاريدا اعىباەۆا.
بۇگىنگى تاڭدا ەگۋ پۋنكتتەرىندە مەديتسينا قىزمەتكەرلەرىنە مەديتسينالىق جوعارى وقۋ ورىندارى مەن كوللەدجدەردىڭ ەرىكتىلەرى كومەكتەسىپ جاتىر.
