1929 جىلى وتكەن ولكە تاريحى كورمەسىنەن باستاپ مۋزەيدە جادىگەرلەر جينالدى. باستاپقىدا جادىگەرلەر جەكە مەنشىك ۇيگە ورنالاستىرىلدى. ال 1967 جىلدىڭ 6 ماۋسىمىندا قازاقستان كومپارتياسى ورتالىق كوميتەتىنىڭ ءبىرىنشى حاتشىسى دىنمۇحامەد احمەت ۇلى قوناەۆ قاتىسۋىمەن وبلىستىق تاريحي-ولكەتانۋ مۋزەيىنىڭ اشىلۋ سالتاناتى ءوتتى.
2015 جىلى عاسىرلىق تاريحي بار مۋزەي اۆاريالىق دەپ تانىلىپ, تەك قىزمەتكەرلەرى كۇندەلىكتى جۇمىسىن جالعاستىردى. ارادا 3 جىل ۋاقىت سالىپ مۋزەي ۇجىمى قالاداعى باتىس-2 اۋدانىندا زاماناۋي نىسانعا كوشىپ باردى.
ەسكى عيمارات قاراۋسىز قالعاندىقتان, كەز كەلگەن تۇرعىن ونى وڭاي بۇزىپ كىرە الادى. وسى ورايدا اقتوبە وبلىستىق تاريحي-ولكەتانۋ مۋزەيىنىڭ ديرەكتورى مەيرام دۇيسەنعالي ءۋاجىن ءبىلدىردى.
ء«بىز نەگىزگى ەكسپوناتتاردى كوشىرىپ الدىق. ال وزگەسى ەسەپتەن شىعارىلعان. قالعان اۋا باپتاعىش, ۆەترينالار ارنايى مەكەمەنىڭ كومەگىمەن جويىلادى. وزگە زاتتار تۋرالى ايتسام, مۋزەي قورىنا كىرمەگەن. ول دا قوقىسقا لاقتىرىلمايدى, تەك جويىلۋى ءتيىس. الدىمەن كونكۋرس جاريالاپ, جەڭىمپاز انىقتالۋى كەرەك. نەگىزى ەكى جىل بويى عيمارات مۋزەيگە تيەسىلى بولدى. ول كەزدە ەشكىم ەسىگىن اشپادى. بوس تۇرعان سوڭ كۇزەت قىزمەتى بولمادى, دەگەنمەن م ۇلىكتى بۇلدىرگەن ادامدى كورمەدىم. ال كىتاپحانا بالانسىنا وتكەن سوڭ قايتا-قايتا ىشىنە كىرىپ, بەينەماتەريال تاراتىپ ءجۇر», دەيدى ول.
بيىل اقپان ايىندا ولكەتانۋ مۇراجايىنىڭ عيماراتى اقتوبە قالاسى اكىمدىگىنىڭ قاۋلىسىمەن التىنسارين كوشەسىندەگى قالالىق ورتالىقتاندىرىلعان كىتاپحانا جۇيەسىنىڭ بالانسىنا بەرىلگەن ەكەن.
«ساراپتاما قورىتىندىسى شىققان سوڭ بۇل عيماراتقا كۇردەلى جوندەۋ جۇمىسى جۇرگىزىلىپ, قالالىق ورتالىقتاندىرىلعان كىتاپحانا جۇيەسىنە بەرىلەدى. كوۆوركينگ تە بولادى. ەكسپوناتتاردىڭ بارلىعى وبلىستىق تاريحي-ولكەتانۋ مۇراجايىنا تيەسىلى. ولار الىپ كەتتى. بەيسەنبى, سەنبى كۇندەرى جان-جاعىنداعى قوقىستى جينايمىز, ىشىندە ەمەس. كۇندە اشىق تۇرعان جوق. ءبىز ق ۇلىپ ساتىپ قويدىق», دەدى اقتوبە قالالىق مادەنيەت جانە تىلدەردى دامىتۋ ءبولىمىنىڭ باسشىسى اسەل بولەكوۆا.
