ايماقتار • 29 ءساۋىر، 2021

ورالدا جىلجىمالى ۆاكتسيناتسيا پۋنكتى جۇمىسىن باستادى

28 رەت كورسەتىلدى

ورال قالاسىندا تۇرعىنداردى كوروناۆيرۋسقا قارسى ەكپەمەن كوبىرەك قامتۋ  ماقساتىندا جىلجىمالى ەگۋ كەشەندەرى جۇمىس ىستەپ جاتىر، دەپ حابارلايدى Egemen.kz

بقو دەنساۋلىق باسقارماسىنىڭ مالىمەتىنشە، ءموبيلدى ەگۋ پۋنكتتەرى كەشەلى بەرى ءتورت ءىرى ساۋدا ورتالىعى مەن بازار جانىندا قويىلعان.

«مۇندا كەز كەلگەن قالا تۇرعىنى جەكە كۋالىگىن كورسەتىپ، كوروناۆيرۋسقا قارسى ەكپە الا الادى. الدىمەن مەديتسينالىق تەكسەرۋدەن وتەدى، ەگەر دەنساۋلىعىندا ءبارى جاقسى بولسا ەكپە ەگۋگە جىبەرىلەدى. ورالدىقتار وتاندىق QazVac نەمەسە رەسەيلىك «Sputnik V» ۆاكتسيناسىنىڭ بىرەۋىن تاڭداۋىنا قاراي سالعىزا الادى. ەگۋ پۋنكتتەرى قالالىق ەمحانالارداعى كابينەتتەر سەكىلدى ساعات 10:00-دەن 20:00-گە دەيىن جۇمىس ىستەيدى»، دەپ حابارلادى ۆەدومستۆو وكىلدەرى.

وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ارمان قاليبەكوۆتىڭ ايتۋىنشا، بۇگىنگى كۇنگە دەيىن وبلىستا 32937 ادام ۆاكتسينانىڭ ءبىرىنشى كومپونەنتىمەن ەگىلدى. سونداي-اق 8408 ادام ەكىنشى كومپونەنتتى الىپ ۇلگەرگەن.

سوڭعى جاڭالىقتار

ۇقساس جاڭالىقتار