كوروناۆيرۋس • 29 ءساۋىر، 2021

نورۆەگيالىق باسىلىمدا QazVac ۆاكتسيناسى تۋرالى ماقالا جاريالاندى

310 رەت كورسەتىلدى

Steigan.no نورۆەگيالىق باسىلىمىندا  قازاقستاندىق QazVac (QazCovid-in)  ۆاكتسيناسى تۋرالى ماقالا جاريالاندى. بۇل تۋرالى Egemen.kz كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ ءباسپاسوز قىزمەتىنە سىلتەمە جاساپ حابارلايدى.

اتالعان ماقالادا پرەپاراتتى سىناۋ كەزىندە جاناما اسەرلەر مەن قانداي دا ءبىر شاعىمداردىڭ بايقالماعانى ەرەكشە اتاپ كورسەتىلگەن. الەمدەگى فارماتسەۆتيكالىق كومپانيالاردىڭ بەلگىلى ۆاكتسينالارىنا قاراعاندا QazVac ەكپەسىنىڭ دايىنداۋ تەحنولوياسى كۇردەلى ەمەس، جىلدار بويى قولدانىلعان ادىسپەن ازىرلەنگەن ۆاكتسينا دەپ اتادى.

ماقالادا قازاقستاندىق ۆاكتسينانى ساقتاۋ ءۇشىن ەرەكشە جاعدايلاردىڭ تالاپ ەتىلمەيتىنى، از عانا سالقىنداتۋدىڭ جەتكىلىكتى ەكەندىگى ايتىلعان، بۇل پاندەميا جاعدايىندا ءسوزسىز ارتىقشىلىق بولىپ تابىلادى.

وسىنداي ۆاكتسينا جاساۋعا مۇمكىندىك بەرگەن قازاقستاندىق عالىمداردىڭ مىقتى زەرتتەۋ ورتاسىن باق ايرىقشا اتاپ ءوتتى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار