2018 جىلعى 11 قازاننان باستاپ زەينەتكەرلىك جاسقا تولۋعا بايلانىستى بىرىڭعاي ءوتىنىش بەرۋگە بولاتىن ء«بىر تەرەزە» قاعيداتى بويىنشا كومپوزيتتىك قىزمەت ەنگىزىلگەن. ونىڭ اياسىندا زەينەتكەرلىك جاسقا تولعان الۋشى بىرىڭعاي وتىنىشپەن جانە قۇجاتتار توپتاماسىمەن مەملەكەتتىك كورپوراتسيا بولىمشەلەرىنە (ياعني حقو-عا) جۇگىنەدى.
الايدا بجزق اقپاراتتىق جۇيەلەرىندە قوردان تولەمدەر جۇزەگە اسىرىلمايتىن 200 مىڭنان اسا شوت (200 160) بار. بۇل رەتتە زەينەتكەرلىك جاسقا جەتكەن ازاماتتار بيۋدجەتتەن قاراجاتتارىن الىپ جاتىر. ولاردىڭ كوپشىلىگى زەينەتكەرلەر قاتارىنا 2018 جىلدىڭ 11 قازانىنا دەيىن قوسىلعان.
بجزق سالىمشىلاردىڭ دەرەكتەرىن سايكەستەندىرۋ بويىنشا جۇمىستار جۇرگىزىپ, 2021 جىلعى 1 ساۋىردەن باستاپ قوردان تولەمدەر جۇزەگە اسىرىلاتىن تۇلعالاردىڭ ءتىزىمىن جاساقتادى. ەندى وسى ساناتتا بار ادامداردىڭ تەلەفون نومىرلەرىنە (ول ءموبيلدى ازاماتتار بازاسىندا تىركەلۋى ءتيىس) بجزق-دان زەينەتاقى تولەمدەرىن تاعايىنداۋ بويىنشا بەلسەندى قىزمەت كورسەتۋ ۇسىنىلعان sms-حابارلاما جولدانادى. كەلىسىم الىنعاننان كەيىن بۇل ازاماتتارعا بجزق-دان تولەمدەر مەملەكەتتىك كورپوراتسياعا الۋشىلاردىڭ جاسىنا بايلانىستى زەينەتاقى تولەمدەرى مەن مەملەكەتتىك بازالىق زەينەتاقى تولەمدەرىن تاعايىنداۋ كەزىندە ۇسىنعان بانك شوتتارىنا جىبەرىلەدى.
زەينەتاقى تولەمدەرىن جۇزەگە اسىرۋ قاعيدالارىنىڭ ەرەجەلەرىنە سايكەس بجزق-دان مىندەتتى زەينەتاقى جارنالارى مەن مىندەتتى كاسىپتىك زەينەتاقى جارنالارى ەسەبىنەن زەينەتاقى تولەمدەرى اي سايىن بەلگىلەنگەن كەستە بويىنشا جۇزەگە اسىرىلادى.
اي سايىنعى زەينەتاقى تولەمىنىڭ مولشەرى قازاقستان رەسپۋبليكاسى ۇكىمەتىنىڭ 2013 جىلعى 2 قازانداعى №1042 قاۋلىسىمەن بەكىتىلگەن زەينەتاقى تولەمدەرىنىڭ مولشەرىن ەسەپتەۋدى جۇزەگە اسىرۋ ادىستەمەسىنە (بۇدان ءارى – ادىستەمە) سايكەس ەسەپتەلگەن زەينەتاقى تولەمدەرىنىڭ جىلدىق سوماسىنىڭ ون ەكىدەن ءبىر بولىگى رەتىندە ايقىندالادى. ادىستەمەگە سايكەس 2021 جىلدىڭ 1 ساۋىرىنەن باستاپ زەينەتاقى تولەمدەرىن جۇزەگە اسىرۋدىڭ ءبىرىنشى جىلىنداعى زەينەتاقى تولەمدەرىنىڭ جىلدىق سوماسى زەينەتاقى جيناقتارى سوماسىنىڭ زەينەتاقى جيناقتارى تولەمدەرىنىڭ مولشەرلەمەسىنە كوبەيتىندىسى رەتىندە ەسەپتەلەتىن بولادى – 6,5 %.
ودان كەيىنگى جىلدارى اي سايىنعى زەينەتاقى تولەمىنىڭ مولشەرى وتكەن جىلعى اي سايىنعى زەينەتاقى تولەمىنىڭ مولشەرىن زەينەتاقى تولەمدەرىن يندەكستەۋ مولشەرلەمەسىنە جىل سايىن ارتتىرۋ جولىمەن قايتا ەسەپتەلەتىن بولادى – 5%.
بۇل رەتتە اي سايىنعى زەينەتاقى تولەمىنىڭ ەسەپتەلگەن مولشەرىنىڭ تولەمى رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ەڭ تومەن كۇنكورىس دەڭگەيىنىڭ 70 پايىزىنان كەم ەمەس مولشەردە جۇزەگە اسىرىلادى (2021 جىلى – 24 011,40 تەڭگە = 70% * 34 302).
ەگەر ءوتىنىش بەرىلگەن كۇنگى زەينەتاقى جيناقتارىنىڭ سوماسى ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭدا بەلگىلەنگەن ەڭ تومەن زەينەتاقىنىڭ ون ەكى ەسەلەنگەن مولشەرىنەن اسپاعان جاعدايدا, بۇل سوما الۋشىعا بجزق-دان ءبىر رەت تولەنەدى (2021 جىلى – 519 264 تەڭگە = 12 * 43 272).
ەگەر كەزەكتى اي سايىنعى تولەم جۇزەگە اسىرىلعاننان كەيىن جزش-داعى زەينەتاقى جيناقتارىنىڭ قالدىعى ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭدا بەلگىلەنگەن ەڭ تومەن كۇنكورىس دەڭگەيىنىڭ 70 پايىزىنان از سومانى قۇراعان جاعدايدا, بۇل قالدىق كەزەكتى تولەمنىڭ سوماسىمەن بىرگە تولەنەدى.
