ۇلتتىق تەلەارنالاردىڭ دەرەگىنشە, قازاقستان بويىنشا بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى ازىرلەگەن ەكى دوزالى ۆاكتسينانىڭ 50 مىڭ دوزاسى تاراتىلعان. دەنساۋلىق ساقتاۋ ءمينيسترى الەكسەي تسوي تەلەديداردا تىكەلەي ەفيردە وزىنە ۆاكتسينانىڭ العاشقى دوزاسىن سالدىردى. وسىدان سوڭ ا.تسوي ءوزىن جاقسى سەزىنەتىنىن جەتكىزدى جانە ۇكىمەتتىڭ تۇركيامەن اۋقىمدى كولەمدەگى جاڭا پارتيانىڭ ءوندىرىسى تۋرالى كەلىسىمدەر جۇرگىزىپ جاتقانىن ايتتى. قازاقستان پرەزيدەنتى قاسىم-جومارت توقاەۆ بۇل Covid-19 ۆيرۋسىنا قارسى جەكە ۆاكتسيناسىن جاساپ شىعارعان الەمدەگى ساناۋلى ەل ساناتىنداعى ايرىقشا عىلىمي جەتىستىك ەكەنىن اتاپ ءوتتى.
قازاقستان كوروناۆيرۋسقا ۆاكتسينالاۋ ناۋقانىندا كوش باستاپ تۇرعان رەسەيلىك سپۋتنيك V ۆاكتسيناسى ءوندىرىسىن ءوز اۋماعىندا قۇرعان العاشقى شەتەلدىك مەملەكەت بولدى. ا.تسويدىڭ ايتۋىنشا, اقپاننان بەرى قازاقستاندا ءاربىر 20-شى ادام ۆاكتسينا العان.
26 ساۋىردەگى جاعداي بويىنشا رەسمي مالىمەتتەرگە سايكەس, 19 ميلليون حالىقتىڭ اراسىندا 309 مىڭنان اسا ادام Covid-19 ۆيرۋسىن جۇقتىرعان, ولاردىڭ ىشىندە 3570-ءى قايتىس بولعان. قازاقستان – ورتالىق ازياداعى ءىرى ەكونوميكاسى بار, تابيعي رەسۋرستار مەن كومىرسۋتەكتىڭ باي قورىنا يە بۇرىنعى كەڭەستىك رەسپۋبليكا.
