كوميسسيا وتىرىسىنىڭ جۇمىسىنا قازاقستان رەسپۋبليكاسى بيلىگىنىڭ زاڭ شىعارۋشى, اتقارۋشى جانە سوت تارماقتارى ورگاندارىنىڭ وكىلدەرى, حالىقارالىق جانە ۇكىمەتتىك ەمەس ۇيىمداردىڭ, ادۆوكاتۋرانىڭ, جۇرتشىلىق پەن باق وكىلدەرى قاتىستى.
كاسىپوداقتار فەدەراتسياسىنىڭ توراعاسى, كوميسسيا مۇشەسى ساتىبالدى داۋلەتالين جۇمىسكەرلەردىڭ ەڭبەك جانە الەۋمەتتىك قۇقىقتارىنىڭ قورعالۋى جونىندە بايانداما جاسادى.
كوميسسيا مۇشەلەرى قازاقستان رەسپۋبليكاسىنىڭ زاڭدارىمەن جانە حالىقارالىق مىندەتتەمەلەرىمەن كەپىلدىك بەرىلگەن ازاماتتار مەن وزگە دە ادامداردىڭ ەڭبەك, الەۋمەتتىك-ەكونوميكالىق قۇقىقتارىن قامتاماسىز ەتۋ مەملەكەتتىڭ باسىم مىندەتتەرىنىڭ ءبىرى رەتىندە بەلگىلەنگەنىن, ال ازاماتتاردىڭ الەۋمەتتىك قورعالۋ دارەجەسى – كەز كەلگەن وركەنيەتتى قوعامنىڭ, مەملەكەتتىك ساياساتتىڭ الەۋمەتتىك باعىتىنىڭ باستى ينديكاتورى ەكەنىن ءسوز ەتتى.
ءسوز سويلەۋشىلەر حالىقتىڭ, ونىڭ ىشىندە بارلىق ساناتتاعى جۇمىسكەرلەردىڭ قۇقىقتىق ساۋاتتىلىق دەڭگەيىن ارتتىرۋ الەۋمەتتىك جاڭعىرتۋدىڭ مەملەكەتتىك باعدارلامالارىن تابىستى ىسكە اسىرۋدىڭ قاجەتتى جانە مىندەتتى شارتى دەپ اتاپ ءوتتى.
كاسىپتىك وداقتار ازاماتتىق قوعامنىڭ ماڭىزدى بولىگى ەكەنى ەرەكشە اتاپ ءوتىلىپ, ازاماتتاردىڭ ەڭبەك, الەۋمەتتىك-ەكونوميكالىق قۇقىعىن قامتاماسىز ەتۋدە, ەڭبەك قاتىناستارىن ءادىل رەتتەۋ بويىنشا ەلەۋلى ەڭبەك اتقارۋعا ءتيىس ەكەندىگى ەسكە سالىندى.
تالقىلاۋعا قاتىسقان ساراپشىلار بۇل سالاداعى پروبلەمالار مەن مىندەتتەر تەك ۆەدومستۆولىق قانا ەمەس, سونىمەن بىرگە ازاماتتىق قوعامنىڭ بارلىق ينستيتۋتىنىڭ بەلسەندى قاتىسۋىمەن بيلىكتىڭ بارلىق تارماقتارىنىڭ كۇش-جىگەرى, تىعىز ءوزارا ءىس-قيمىلى قاجەت بولاتىن قوعامدىق, مەملەكەتتىك سيپاتتا ەكەنىن جەتكىزدى.
قولدانىستاعى ەڭبەك زاڭناماسى جۇمىس بەرۋشىلەر ءۇشىن دە, جۇمىسكەرلەر ءۇشىن دە كەڭ قىزمەت سالاسىن اشتى, ويتكەنى ۇجىمدىق كەلىسىم-شارت پروتسەسى ەڭبەك قاتىناستارىنىڭ نەگىزىنە اينالۋدا.
پروكۋراتۋرا ورگاندارى مەن مەملەكەتتىك ەڭبەك ينسپەكتورلارىنا جۇمىس بەرۋشىلەردىڭ, ەڭ الدىمەن ەكونوميكانىڭ تاۋ-كەن مەتاللۋرگيا جانە مۇناي-گاز سالالارىنداعى كاسىپورىنداردىڭ, قۇرىلىس ۇيىمدارىنىڭ ەڭبەكتى قورعاۋ جونىندەگى ستاندارتتاردىڭ, ەرەجەلەر مەن نورمالاردىڭ تالاپتارىن ساقتاۋىنا باقىلاۋدى كۇشەيتۋ ۇسىنىلدى.
بۇل رەتتە كوميسسيا مۇشەلەرى كاسىپوداق ۇيىمدارىنىڭ قازاقستان رەسپۋبليكاسى ەڭبەك زاڭناماسىنىڭ ساقتالۋىن قوعامدىق باقىلاۋ سالاسىنداعى قىزمەتىن كەڭەيتۋ تۋرالى ماسەلەنى قاراۋدى ۇسىندى.
بۇدان باسقا كوميسسيا وتىرىسىندا سوتتالعانداردىڭ جانە تەرگەۋدەگى-قاماۋداعى ادامداردىڭ قاۋقارسىز ساناتتارىنىڭ كونستيتۋتسيالىق قۇقىقتارىن قامتاماسىز ەتۋدىڭ وزەكتى ماسەلەلەرى تالقىلاندى.
كوميسسيانىڭ وتىرىسىندا ازىرلەنگەن ۇسىنىمدار مەملەكەت باسشىسىنىڭ, قازاقستان رەسپۋبليكاسى پارلامەنتىنىڭ جانە ۇكىمەتىنىڭ نازارىنا جەتكىزىلەتىن بولادى.
