قازاقستان حالقى اسسامبلەياسى (قحا) – ەلىمىزدىڭ ىشكى ساياساتىندا ماڭىزدى ءرول اتقارىپ وتىرعان, ەتنوسارالىق داۋلار مەن جانجالداردىڭ الدىن الۋ سالاسىنداعى بەدەلدى ينستيتۋت ەكەنى انىق.
سەسسيا اياسىندا ەتنوسارالىق مەدياتسياعا ەرەكشە كوڭىل بولىنگەنى قۋانتادى. ىنتىماقتاستىق تاقىرىبى جىل سايىن قحا سەسسياسىندا كەڭىنەن تالقىلاناتىنى بەلگىلى. قازىرگى ۋاقىتتا رەسپۋبليكادا قحا جانىنداعى ەكى مىڭعا جۋىق قوعامدىق كەلىسىم كەڭەسى جۇمىس ىستەيدى. ولار ازاماتتىق قوعام ينستيتۋتتارى مەن بيلىكتىڭ ءوزارا ءىس-قيمىلىن قامتاماسىز ەتە وتىرىپ, مەملەكەتتىك ورگانداردىڭ جەرگىلىكتى جەرلەردە الەۋمەتتىك-ەكونوميكالىق دامۋ جونىندەگى ءىس-شارالاردى ىسكە اسىرۋىنا قوعامدىق باقىلاۋدى جۇزەگە اسىرادى, سونداي-اق حالىقتىڭ پروبلەمالارىنا مونيتورينگ جۇرگىزەدى.
قازاقستان – كوپتەگەن ەتنوس پەن كونفەسسيانىڭ ورتاق ءۇيى. ەلىمىزدە 471 ەتنومادەني بىرلەستىك, 19 رەسپۋبليكالىق جانە وڭىرلىك ۇلتتىق گازەت, راديو جانە تەلەباعدارلاما, 6 ۇلتتىق تەاتر, 100-دەن استام ەتنوستىق مەكتەپ جانە 170 تىلدىك ورتالىق جۇمىس ىستەيدى. ۇلتتىق جاڭعىرۋ مەكتەپتەرىندە 11 ءتىلدى وقىتۋ بويىنشا 29 ءبولىم جۇمىس ىستەيدى. 4 مىڭنان استام ءدىني بىرلەستىك, 46 كونفەسسيا مەن 3 مىڭنان استام عيبادات ءۇيى جۇمىس ىستەيدى.
ءبىز – كوپەتنوستى ەلدىڭ ءبىرتۇتاس حالقىمىز. سونداي-اق ءبىزدىڭ بار كۇش-جىگەرىمىز كەز كەلگەن قاۋىپ-قاتەر مەن قىر كورسەتۋلەردى ەڭسەرۋگە قابىلەتتى ءارى ۇيىمشىل قازاقستان حالقىن قالىپتاستىرۋعا باعىتتالعان. ءدال وسى ماقسات پەن ودان تۋىندايتىن مىندەتتەر ءار كەزەڭدە جاڭا دەڭگەيگە شىعا وتىرىپ, تۇراقتى دامۋ ۇستىندەگى قازاقستان حالقى اسسامبلەياسىنىڭ قىزمەتىندە ارقاشان باسىم ماڭىزعا يە. قاسيەتتى قازاق جەرىنىڭ اسپانى ءاردايىم اشىق بولىپ, مەملەكەتىمىزدىڭ ەكونوميكاسى مەن مادەنيەتى قارىشتاپ دامي بەرسىن دەگەن تىلەكتەمىز.
شەرزود پۋلاتوۆ,
نۇر-سۇلتان قالاسى وزبەك ەتنومادەني بىرلەستىگىنىڭ توراعاسى, قحا عىلىمي-ساراپشىلىق كەڭەسىنىڭ مۇشەسى
