پوليگون وبلىس ورتالىعىنىڭ ىرگەسىندەگى بەلكول كەنتىنەن 7,5 شاقىرىم قاشىقتىقتا ورنالاسقان. ەكولوگيالىق-سانيتارلىق تالاپتارعا سايكەس قالدىقتاردى وڭدەۋ ۇلەسىن ارتتىرۋ باعىتىندا سالىنعان كەشەندەگى قۇرىلعىلار رەسەيدە جاسالعان. قازىر اۋماعى 20 گەكتارلىق پوليگونعا ورتا ەسەپپەن كۇنىنە 110 توننا قالدىق قابىلدانادى.
جۋىردا كەشەنگە قىزىلوردا قالاسىنىڭ اكىمى عانيبەك قازانتاەۆ بارىپ, اتقارىلىپ جاتقان جۇمىس بارىسىن كوردى. پوليگوندا وسىعان دەيىن 115 توننا پلاستماسسا, شىنى, قاعاز, ءتۇستى مەتالل قالدىقتارى سۇرىپتالىپ, ءتيىستى كاسىپورىندارعا جونەلتىلگەن. ەڭ باستىسى, كەشەن ىسكە قوسىلعالى جيىلعان قوقىستاردى ورتەۋ توقتاتىلىپ, بەلكول كەنتىنە جەتەتىن ءتۇتىن ءيىسى تىيىلىپتى.
قالا اكىمى كەشەنگە قوقىس جەتكىزەتىن «قىزىلوردا تازالىعى» مەكەمەسىنىڭ دە جۇمىسىن كوردى. سەرىكتەستىك شتاتىنداعى ءجۇمىسشىلار مەن قوعامدىق جۇمىسپەن قامتۋ ارقىلى كەلگەندەردى قوسقاندا, مۇندا 618 ادام جۇمىس ىستەيدى. مەكەمە وسى جۇمىسشىلار مەن 137 ارنايى تەحنيكا كۇشىمەن وبلىس ورتالىعىنداعى 800-دەن اسا كوشەنىڭ تازالىعىن ساقتاپ وتىر.
قىزىلوردا وبلىسى
