مەديتسينا • 28 ءساۋىر، 2021

ماڭعىستاۋ وبلىسىندا ىندەتكە قارسى قوسىمشا 2 ەگۋ پۋنكتى اشىلدى

65 رەت كورسەتىلدى

ماڭعىستاۋداعى مۇنايلى اۋدانىندا كوروناۆيرۋس ىندەتىنە قارسى قوسىمشا 2 ەگۋ پۋنكتى اشىلدى. بۇل تۋرالى مۇنايلى اۋداندىق ورتالىق اۋرۋحانا باسشىسىنىڭ مىندەتىن اتقارۋشى جانار دوسجانوۆا ءمالىم ەتتى، دەپ حابارلايدى Egemen.kz

ونىڭ ايتۋىنشا، وسى ۋاقىتقا دەيىن مۇنايلى اۋدانىندا كوروناۆيرۋسقا قارسى 2 ەگۋ بولمەسى جۇمىس ىستەپ كەلگەن. ەندى ولاردىڭ قاتارىنا قوسىمشا تاعى قوس پۋنكت قوسىلدى. جاڭادان اشىلعان ەگۋ بولمەلەرى ماڭعىستاۋ اۋىلىنداعى فاريزا وڭعارسىنوۆا اتىنداعى ورتالىق مادەنيەت ۇيىندە جانە باسقۇدىق اۋىلدىق وكرۋگىندەگى «مۇحامبەت» مەديتسينا ورتالىعىندا ورنالاسقان.

«ەگۋ پۋنكتتەرى تاڭعى 8:00-دەن كەشكى 17:00 ارالىعىندا جۇمىس ىستەيدى. تۇرعىندارعا قولايلى بولۋ ءۇشىن باسقۇدىق اۋىلدىق وكرۋگىندە ورنالاسقان باستاپقى مەديتسينالىق سانيتارلىق كومەك كورسەتۋ ورتالىعىنداعى ەگۋ بولمەسىنىڭ جۇمىسىن ۇزارتتىق. ياعني 17:00-23:00 ارالىعىندا جۇمىس جۇرگىزىپ جاتىرمىز. ورازا ۇستاعان جاندار اۋىز اشاردان كەيىن دە كوروناۆيرۋسقا قارسى ەكپە الۋعا مۇمكىندىك بولادى. بۇگىنگى كۇنگە دەيىن 2 مىڭعا جۋىق مۇنايلى اۋدانىنىڭ تۇرعىنى كوروناۆيرۋسقا قارسى ەكپە العان»، دەدى جانار دوسجانوۆا.

ايتا كەتەيىك، بۇگىندە 22 مىڭنان استام ماڭعىستاۋلىق كورونaۆيرۋسقا قارسى ەكپە الدى. وبلىستا 32 ەگۋ پۋنكتى جۇمىس ىستەيدى، ونىڭ 5-ءى جىلجىمالى.

سوڭعى جاڭالىقتار

ۇقساس جاڭالىقتار