«جاھاندىق الەم قارقىندى تۇردە وزگەرىسكە ۇشىراپ, تەڭدەسسىز ترانسفورماتسيا كەزەڭىنە تاپ بولدى. ساياسات پەن ەكونوميكادا, قوعامدىق ءومىر مەن تەحنولوگيالىق دامۋدا مۇلدەم جاڭا شىنايىلىق تۋىنداپ كەلەدى. جەر شارىنىڭ ءتۇرلى وڭىرىندە ءدىني الاۋىزدىق ۋشىعىپ, كسەنوفوبيالىق كوڭىل-كۇي بايقالىپ وتىر», دەدى قر پرەزيدەنتى.
مەملەكەت باسشىسىنىڭ ايتۋىنشا, بۇل سىن-تەگەۋىرىندەر مەملەكەتتىك ءال-اۋقات ءۇشىن اسىرەسە كوروناۆيرۋستىڭ جاپپاي تارالۋى جاعدايىندا بارىنشا قاۋىپتى بولا تۇسۋدە.
«الەمدەگى گەوساياسي تۇراقسىزدىق اياسىندا قازاقستان بەرىكتىكتىڭ ناقتى قورىنا يەلىك ەتىپ وتىر. بۇل – حالىقتىڭ كەلىسىمى مەن بىرلىگى, بۇل – ەكونوميكامىزدىڭ الەۋەتى. ەلباسى قالىپتاستىرعان قارجىلىق مۇمكىندىكتەرگە, قارجىلىق الەۋەتكە ارقا سۇيەي وتىرىپ, ۇكىمەت ادامداردىڭ وتە ۇلكەن سانىنا – 4,5 ميلليوننان استام ادامعا تەڭدەسسىز ماتەريالدىق كومەك كورسەتە الدى», دەدى قاسىم-جومارت توقاەۆ.
