ءساۋىر ايىنىڭ باسىندا امان اعامىزدىڭ «پرەودولەنيە» (بەلاسۋ) اتتى اۆتوبيوگرافيالىق كىتابى ماسكەۋدەگى «ۆەچە» باسپاحاناسىنان 5 مىڭ تيراجبەن وقىرمانعا جول تارتتى. اتالمىش كىتاپتىڭ رەداكتورى جانە تاپسىرىس بەرۋشى گلەب ستافەەۆ بىزبەن اڭگىمەسىندە كىتاپتىڭ مامىر ايىنىڭ باس كەزىندە اينالىمعا شىعاتىنىن, شتريح-كود ارقىلى ۇيالى تەلەفونعا جۇكتەپ الۋعا بولاتىنىن جانە كىتاپتى شىعارۋ بارىسىندا بەينەيلليۋستراتسيانىڭ مۇمكىندىكتەرى قولدانىلعانىن ايتتى. بۇل دەگەنىڭىز كىتاپتىڭ ەكلەكتروندى نۇسقاسىندا امان اعانىڭ ءومىر جولدارىن كورسەتەتىن بەينەكورىنىستەردەن تانىسۋعا بولادى دەگەن ءسوز.
گلەب ستافەەۆ ناقتىلاپ وتكەندەي, «پرەودولەنيە» (بەلاسۋ) تاقىرىبى ايتىپ تۇرعانداي, ساياساتتانۋشى, مەملەكەت قايراتكەرىنىڭ ماسكەۋدەگى قىزمەتى, پرەزيدەنت سايلاۋىنا تۇسكەن كەزەڭدەگى عۇمىرناماسى, كۋزباسستى باسقارعان كەزەڭدەرى قامتىلعان. بيىل قۇرىلعانىنا 30 جىل تولاتىن تمد ەلدەرى تۋرالى قىزىقتى مالىمەتتەر, اۆتوردىڭ وعان كوزقاراسى جايلى قىزىقتى دەرەكتەردى دە وسى كىتاپتان تابۋعا بولادى.
كىتاپقا تاپسىرىس بەرگەن, جارىق كورۋىنە جاعداي جاساعان شىعارماشىلىق توپ وكىلدەرى ماۋسىم ايىندا الماتى مەن نۇر-سۇلتان قالاسىندا امان اعانىڭ سياسى كەپپەگەن تۋىندىسىن ەلگە اكەلىپ, تانىستىرۋدى جوسپارلاپ وتىر.
