العاشقى كەزەڭ اياسىندا 10,5 شاقىرىم ەلەكتر جەلىسى تارتىلىپ, 31 شاقىرىم جول سالىندى, 56 شاقىرىم سۋ جانە 58 شاقىرىم گاز تارتۋ قۇرىلىستارى اياقتالدى. سونداي-اق «اقتاۋ تەڭىز پورتى» ارنايى ەكونوميكالىق ايماعىنىڭ اۋماعىندا وتكەن جىلى «ريكسوس» قوناقۇي كەشەنى جوباسىنىڭ ءبىرىنشى كەزەڭى ىسكە قوسىلدى, اشىلعان جىلى-اق قوناقۇيگە 78 مىڭنان استام ادام كەلىپ, 68 ملرد تەڭگە ينۆەستيتسيا تارتىلدى, قوناقۇي 600-دەن استام ادامدى جۇمىسپەن قامتىپ وتىر, بۇل – وڭىردەگى جۇمىسسىزدىق ماسەلەسىن شەشۋگە كومەك.
قازىر اقتاۋدا كۋرورتتى ايماقتى دامىتۋدىڭ ەكىنشى كەزەڭى قارقىندى جۇرگىزىلۋدە. پرەزيدەنت ق.توقاەۆتىڭ تاپسىرماسىنا سايكەس ۇكىمەتتىڭ قولداۋىمەن قوسىمشا قارجى ءبولىنىپ, جىلى جاعاجاي اۋماعىن سۋمەن, ەلەكتر ەنەرگياسىمەن, گازبەن جابدىقتاۋ جانە اۆتوموبيل جولدارىن سالۋ جۇمىستارى جاسالۋدا. ەكى جىل ىشىندە اقتاۋدا 400 ملرد تەڭگەگە ءىرى تۋريستىك جوبالار جۇزەگە اسىرىلادى.
جوبا اياسىندا جۇزەگە اسىپ جاتقان جۇمىستاردىڭ ءبىرى Tethys International Hub Ltd كومپانياسىنىڭ 202 ملرد تەڭگە قارجى قۇيىپ, تەڭىز جاعالاۋىنان سالىپ جاتقان ءتورت نىسانىن ايتۋعا بولادى. تولىق ىسكە قوسىلعان سوڭ 1380 جاڭا جۇمىس ورنى اشىلادى. العاشقىسى – حالىققا قولجەتىمدى بولاتىن تاقىرىپتىق ويىن-ساۋىق پاركى. مۇندا وتباسىلىق دەمالىس ءۇشىن سۋداعى, جەردەگى جانە اۋەدەگى اتتراكتسيوندار سالىنادى. ساياباقتىڭ ورتا تۇسىندا سۋبۇرقاق, مەيرامحانا, فۋدكورت پەن ازىق-ت ۇلىك دۇڭگىرشەكتەرى ورنالاسادى. بيىل شىلدە-تامىز ايلارىندا اياقتاۋ مەجەلەنگەن بۇل ساياباققا كۇنىنە شامامەن 4,5 مىڭ ادام كەلەدى دەگەن جوسپار بار. ساياباق جانىندا گولف-كلۋب پەن 300 ءنومىرلى گولف-وتەل بوي كوتەرەدى. سونىمەن قاتار كونە شاھار ستيلىندەگى Town Center ساۋدا قاتارلارىن سالۋدى دا جوسپارلاپ وتىر. سوڭعى ءۇش نىساندى پايدالانۋعا بەرۋ كەلەر جىلدىڭ ەنشىسىندە. كۋرورتتى ايماقتى ۇزىندىعى 2,5 شاقىرىم, ەنى 11 مەتر بولاتىن سەرۋەندەۋ اۋماعى جالعايتىن بولادى. مۇندا جاياۋ جۇرۋگە جانە ۆەلوسيپەد تەبۋگە بولادى, – دەيدى ماڭعىستاۋ وبلىسى اكىمىنىڭ ورىنباسارى بەكبول ورىنباساروۆ.
ونىڭ ايتۋىنشا, BI Group كومپانياسى دەمالىس پەن تۇرعىن ءۇي كەشەنىن سالىپ جاتىر. قۇنى 37 ملرد تەڭگەنى قۇرايتىن تۇرعىن ءۇي كەشەنى ۆيللالار مەن اپارتامەنتتەردەن تۇرادى. كەشەندى 2022 جىلى پايدالانۋعا بەرۋ جوسپارلانۋدا. سونداي-اق 15 گەكتار اۋماقتا Double Tree by Hilton الەمدىك برەندتەگى 4 جۇلدىزدى قوناقۇيى بوي كوتەرمەك.
ال Bazis-A قۇرىلىس كورپاروتسياسى دا تەڭىز جاعالاۋىنا 10 گەكتار جەرگە ۆيللا, تاۋنحاۋس جانە اپارتامەنتتەردەن تۇراتىن تۇرعىن ءۇي كەشەنىن تۇرعىزىپ جاتىر. قۇرىلىس كومپانياسى وكىلدەرىنىڭ ايتۋىنشا, قازاقستاندىقتار ءۇشىن كۋرورتتى ايماقتا ورنالاسقان جىلجىمايتىن م ۇلىككە قارجى قۇيىپ, تەڭىز جاعالاۋىندا تۇرۋعا جانە دەمالۋعا زور مۇمكىندىك تۋادى.
«اقتاۋ تەڭىز پورتى» ارنايى ەكونوميكالىق ايماعىندا ورنالاسقان جوبالاردى ىسكە اسىرۋ وڭىرگە قوسىمشا ينۆەستيتسيالار تارتۋعا, تۋريستەردىڭ كەلۋىنە, جاڭا جۇمىس ورىندارىنىڭ قۇرىلۋىنا, سالىق اۋدارىمدارىنىڭ تۇسۋىنە, سونداي-اق ەكونوميكانىڭ ارالاس سالالارىنىڭ وركەندەۋىنە ىقپال ەتىپ, وبلىستىڭ الەۋمەتتىك-ەكونوميكالىق دامۋىنا وڭ سەرپىن بەرمەك.
اقتاۋدا قولعا الىنعان زاماناۋي جوبالار قالا كوركىن اسىرىپ, تۇرعىنداردىڭ كوڭىلىن وسىرسە, كەلىمدى-كەتىمدى قوناقتاردىڭ كوز قۋانىشىنا اينالسا دەيمىز.
ماڭعىستاۋ وبلىسى
