«26 ساۋىردە تسەلينوگراد اۋداندىق پوليتسيا دەپارتامەنتىنە اقمول اۋىلىنىڭ 26 جاستاعى تۇرعىنىنان ارىز ءتۇستى. شاعىمدانۋشىنىڭ ايتۋىنشا, بەلگىسىز بىرەۋ ءساۋىردىڭ 7-26 كۇندەرى ارالىعىندا جەكە مەديتسينالىق مەكەمە ەسىگىنىڭ كىلتىن اشىپ كىرىپ, سەيفتەن 1 ميلليون تەڭگەدەن استام اقشا ۇرلاعان», دەيدى پد وكىلى.
اتالعان جاعدايعا بايلانىستى قىلمىستىق كودەكستىڭ 188 بابى «ۇرلىق» بويىنشا سوتقا دەيىنگى تەرگەۋ امالدارى قولعا الىنعان.
«جەدەل ىزدەستىرۋ شاراسى بارىسىندا ارىز يەسىنىڭ ءوزى اقشانى الىپ, ەكى اي بويى جۇمساعانى, كەيىن اۋىرىپ قالعانى انىقتالدى. جۇمىسقا شىققان سوڭ ول ءوز قىلمىسىن جاسىرۋ ءۇشىن پوليتسياعا جالعان ارىز بەرگەن. ايەل قىلمىسىن مويىندادى. قازىرگى كەزدە كۇدىكتىنىڭ ۇستىنەن قىلمىستىق كودەكستىڭ 419 بابى «جالعان مالىمەت بەرۋ» بويىنشا ءىس قوزعالىپ, سوتقا دەيىنگى تەرگەۋ امالدارى جۇرگىزىلىپ جاتىر» دەيدى ۆەدومستۆو وكىلى.
