سونىمەن قاتار پرەزيدەنت بايدەن بۇل مالىمدەمەنى بىرەۋدى ايىپتاۋ ءۇشىن ەمەس, ەندى ول وقيعا قايتالانباسىن دەگەن نيەتپەن ايتىپ جاتقانىن ەسكەرتتى.
تۇركيا بولسا قانداي دا ءبىر قىسىم بولعانىن, دەگەنمەن ونى «گەنوتسيد» دەپ اتاۋعا كەلمەيتىنىن ايتتى. تۇركيا سىرتقى ىستەر ءمينيسترى مەۆلۋت چاۆۋشوعلى سەنبىدە بايدەننىڭ مالىمدەمەسىنە قاتىستى پىكىر ءبىلدىردى. ول بۇل ايىپپەن تۇركيا ەش كەلىسپەيتىنىن, ونى جوققا شىعاراتىنىن حابارلادى.
«قازىر ايتىلعان سوزدەر تاريحىمىزدى قايتا جازىپ بەرمەيدى. ءبىز وتكەنىمىزدەن ساباق الاتىنداي ەشتەڭە ىستەمەدىك. ساياسي وپپورتۋنيزم – ادىلەت پەن بەيبىتشىلىككە جاسالعان ەڭ ۇلكەن ساتقىندىق. بار ويلاعانى – پوپۋليزم بولعان مالىمدەمەنى تولىقتاي جوققا شىعارامىز», دەدى تۇرىك ءمينيسترى.
1981 جىلى اقش-تىڭ سول كەزدەگى پرەزيدەنتى رونالد رەيگان حولوكوستقا قاتىستى «امەريكالىق گەنوتسيد» تەرمينىن قولدانعان بولاتىن. دەگەنمەن, ودان كەيىنگى پرەزيدەنتتەر بۇل ءسوزدى اتاۋدان باس تارتىپ, وسى كەزگە دەيىن بىردە-ءبىر وقيعاعا قاتىستى مۇنداي مالىمدەمە جاسامادى. ءتىپتى دونالد ترامپ تا بۇل وقيعانى «حح عاسىرداعى جاپپاي قىسىم كورسەتۋ» دەپ اتاعان-دى.
بايدەننىڭ مالىمدەمەسى ارمەنيا تاراپىن قۋانتتى. پرەمەر-مينيستر نيكول پاشينيان «اقش ادام قۇقىقتارى مەن الەمدىك قۇندىلىقتارعا بەيجاي قارامايتىنىن تاعى ءبىر رەت دالەلدەدى», دەپ جازدى الەۋمەتتىك جەلىدەگى پاراقشاسىندا.
