اكتسيا نۇر-سۇلتانداعى بوتانيكالىق باقتا بارلىق سانيتارلىق-ەپيدەميولوگيالىق نورمالاردىڭ قاتاڭ ساقتالۋىمەن ءوتتى.
«بۇگىن ءبىز «كيەلى تابيعات» ەكولوگيالىق اكتسياسىن باستاپ وتىرمىز. جالپى, اتا-بابامىز ارقاشاندا تابيعاتتى ايالاۋ, قۇرمەتتەۋ دەگەن فيلوسوفيامەن ءومىر سۇرگەن. بابالارىمىز وسى تاربيەنى, ءتالىمدى اعا بۋىننىڭ بويىنا ءسىڭىردى. ەندى ەڭ باستىسى وسىنداي اكتسيالار ارقىلى سول ءتالىم-تاربيەنى وسكەلەڭ ۇرپاق بولاشاق ۇرپاققا جەتكىزۋى وتە ماڭىزدى. سوندىقتان بۇگىنگى اكتسيا ەلىمىزدىڭ بارلىق ەلدى مەكەندەرىندە باستالىپ وتىر. وزدەرىڭىزدەي جاستار ۇيىمىنىڭ بەلسەندىلەرى, جەتەكشىلەرى وسىنداي اكتسيالاردى قولداپ, وعان قوسىلاتىن ادامدار سانىن كوبەيتىپ وتىرسا ماڭىزى ارتا تۇسەدى. اكتسيا اياسىندا اعاش وتىرعىزۋ, وزەندەردى تازالاپ, بۇلاق كوزىن اشۋ, اۋىلدار مەن قالالاردا سەنبىلىك وتكىزۋ كوزدەلگەن», دەدى ايدا بالاەۆا ءىس-شارا بارىسىندا.
مينيستر قازاقستان پرەزيدەنتى ەكولوگيالىق ءبىلىم مەن تاربيەگە ەرەكشە نازار اۋدارىپ وتىرعاندىعىن, سوعان وراي بىرقاتار مەملەكەتتىك ورگانعا ناقتى تاپسىرما بەرگەندىگىن اتاپ ءوتتى.
