ء«سىز ءبىزدىڭ زامانىمىزدىڭ ناعىز ەرجۇرەك باتىرىسىز. ءسىزدىڭ ەرلىگىڭىز قۇرمەتكە لايىق. ويتكەنى, اركىم ءوز ءومىرىن قاتەرگە تىگىپ, وزگە ادامنىڭ ءومىرىن ساقتاپ قالا المايدى», دەپ اتاپ ءوتتى يۋ.يلين.
اقىلبەكتىڭ ايتۋىنشا, ول ءوزىن باتىر سانامايدى. «مەنىڭ ورنىمدا كەز-كەلگەن ادام وسىنداي قادامعا بارار ەدى», دەيدى ول.
23 ساۋىردە كۇندىز ساعات ەكىلەردىڭ شاماسىندا پەتروۆ كوشەسىندە 5-ۇيدەگى پاتەردە ءورت شىققان. بالا ۇيدە جالعىز بولعان.
ءورت ءسوندىرۋ بولىمشەلەرى كەلگەنگە دەيىن بالانىڭ ايعايلاپ, كومەك سۇراپ جىلاعانىن ەستىگەن اقىلبەك بالانى قۇتقارۋعا بەل بۋعان.
اقىلبەك ويلانباستان 4-ءشى قاباتقا ءتۇسىپ, استىڭعى كورشىلەردىڭ تەرەزەسىنەن ۇستىڭگى قاباتتاعى پاتەردىڭ تەرەزەسىنە قاراي وتكىزۋلەرىن سۇرايدى. تەرەزەدەن شىعىپ, بالامەن سويلەسە باستايدى. ول بالانى قولىنا سەكىرۋگە كوندىرەدى. بالا قورقىنىشپەن تەرەزەدەن سەكىرۋگە بەل بۋادى, اقىلبەك ونى بىردەن قاعىپ ۇستاپ الدى.
«مەن ءوزىم تۋرالى مۇلدەم ويلامادىم, تەك بالانى قۇتقارۋدى ويلادىم», دەيدى كەيىپكەر.
اقىلبەك قىپشاقباەۆ, 1987 جىلعى شىمكەنت قالاسىنىڭ تۋماسى, ۇيلەنگەن, ءتورت بالا تاربيەلەپ وتىر.
يۋري يلين اقىلبەك قىپشاقباەۆقا «ورتتەگى ەرلىگى ءۇشىن» توسبەلگىسىن تابىستاپ, وتباسىنا باقىت پەن اماندىق تىلەدى.
