جانجال بارىسىندا ءدامحانا يەسى اۋىر سوققى العان ونى قويماعا اپارىپ, تاعى دا ءولىمشى قىلىپ ۇرىپ-سوعادى. الايدا, تەكەتىرەس باستالماس بۇرىن ءدامحانا يەسى قوڭىراۋ شالعان جابىرلەنۋشىنىڭ ايەلىنە كۇيەۋى ماس ەكەنىن ايتىپ, الىپ كەتۋدى تالاپ ەتكەن. ارتىنشا وقيعا ورنىنا اناسى كەلەدى. ەر ادام جىگىتتى كولىككە وتىرعىزۋعا كومەكتەسەدى. الايدا, تەك ۇيىنە جەتە بەرىستە اناسى ۇلىنىڭ باقيلىق بولعانىن بايقادى.
ءىستى تەرگەۋ بارىسىندا كوكشەتاۋ قالالىق سوتى وبلىس ورتالىعىنداعى ءدامحانانىڭ 41 جاستاعى يەسىن سەگىز جىلعا باس بوستاندىعىنان ايىرۋ جانە زارداپ شەككەن تاراپقا جالپى سوماسى 13 ملن تەڭگەدەن استام تولەۋ تۋرالى ۇكىم شىعاردى.
سوتتالۋشى سوت وتىرىسى بارىسىندا ءوز كىناسىن مويىنداماي, كەرىسىنشە, جابىرلەنۋشى باسپالداقتان قۇلاعان كەزىندە جاراقات العانىن العا تارتادى. ال ساراپشىلاردىڭ ايتۋىنشا, مۇنداي جاراقاتتى ادام ساتىدان قۇلاعان كەزدە المايدى.
كوكشەتاۋ قالالىق سوتىنىڭ سۋدياسى ديدار باينيازوۆ ەر ادامدى قىلمىستىق كودەكستىڭ 106-بابى 3-بولىگى «ابايسىزدا ادام ولىمىنە اكەپ سوققان دەنساۋلىققا قاساقانا اۋىر زيان كەلتىرۋ» بويىنشا كىنالى دەپ تانىپ, جاس بالاسىن ەسكەرە وتىرىپ, ەر ادامدى ورتاشا قاۋىپسىز قىلمىستىق اتقارۋ جۇيەسى مەكەمەسىندە وتەي وتىرىپ, سەگىز جىل باس بوستاندىعىنان ايىرۋ تۇرىندەگى جازا تاعايىندادى.
