قارجى • 22 ءساۋىر، 2021

ارىزدىڭ كوبى بانك سەكتورىنا تيەسىلى

10 رەت كورسەتىلدى

قارجى نارىعىن رەتتەۋ جانە دامىتۋ اگەنتتىگى بيىل I توقساندا جەكە جانە زاڭدى تۇلعالار­دىڭ قارجى ۇيىمدارىنىڭ، ميكرو­قارجىلىق قىزمەتتى جۇزەگە اسىراتىن ۇيىم­داردىڭ، سونداي-اق كوللەكتورلىق اگەنتتىكتەردىڭ قىزمەتىمەن بايلانىس­تى 5102 ءوتى­نىشتى قاراستىرعان. كەلىپ تۇس­كەن وتىنىشتەردىڭ 67 پايىزى بانك سەكتورىنا تيەسىلى ەكەن.

– بەرەشەكتى قايتا قۇرىلىمداۋ جانە قايتا قارجىلاندىرۋ بانك سەك­تورىنداعى وزەكتى ماسەلە بولىپ قالا بەرەدى. بۇل باعىت­تا يپوتەكالىق قارىز­­داردى قاي­تا قار­­جى­لان­دىرۋ باع­دار­لا­ماسى شەڭ­بەرىن­­دە يپو­تەكالىق قا­رىز­­داردى قايتا قار­جىلاندىرۋ دا قارا­لاتىنىن اتاپ وتكەن ءجون. سونىمەن قاتار ازاماتتار قارجى ۇيىمدارىنىڭ باسقا بانكتەردەگى شوتتاردا تۇرعان اقشانى اكتسەپ­تەۋسىز تارتىپپەن ءوندىرىپ الۋىنا قاتىس­تى جۇگىنۋدە. بۇدان باسقا، بىرقاتار تۇتىنۋ­شى بانك سەكتورى بويىنشا نورماتيۆتىك قۇقىقتىق اكتى­لەردىڭ نورمالارىن تۇسىندىرۋگە نەمەسە بانك­تىك قارىز شارتىنىڭ تالاپتارىن قازاق­ستان زاڭناماسىنىڭ تالاپتارىنا سايكەس­تىگى تۇرعىسىنان تەكسەرۋگە ءوتىنىش بەرۋدە، – دەيدى قارجى­لىق قىزمەتتەردى تۇتى­نۋ­­شىلاردىڭ قۇقىقتارىن قورعاۋ دەپار­تا­مەنتىنىڭ ديرەكتورى الەكساندر تەرەنتەۆ.

ونىڭ ايتۋىنشا، ساقتاندىرۋ تو­لە­مىن جۇزەگە اسىرماۋ دا ساقتاندىرۋ سەك­­تورىن­داعى ەڭ سۇرانىسقا يە ماسەلە بولىپ وتىر. بۇل رەتتە وسى سەكتورداعى وتى­نىش­­تەردىڭ پايىزى ەڭ تومەن ەكەنىن دە ايتا كەتۋ كەرەك. بۇدان باسقا، ساقتان­دىرۋ شارتى تالاپتارىنىڭ قازاقستان زاڭنا­­ماسىنىڭ تالاپتارىنا سايكەس بولۋىن تەكسەرۋ تۋرالى بىرنەشە ءوتىنىش كەلىپ تۇسكەن.

– كوللەكتورلىق اگەنتتىكتەرگە كەلسەك، ەڭ ءجيى كوتەرىلەتىن ماسەلە – قىز­­مەت­كەرلەر ءىس-ارەكەتتەرىنىڭ زاڭسىز­­دىعى. قارجىلىق قىزمەتتەردى تۇتىنۋ­شى­لاردىڭ بارلىق وتىنىشتەرى بويىن­شا قۇجاتتامالىق تەكسەرۋلەر جۇرگى­زىلدى، ءوتىنىش بەرۋشىلەرگە رەسمي جاۋاپ­تار بەرىلدى. قازىر كارانتين رەجىمى­نە بايلانىستى قاۋىپسىزدىكتى قامتاما­سىز ەتۋ جانە COVID-19-دىڭ تارالۋى­نا جول بەرمەۋ ماقساتىندا قارجى­لىق قىزمەتتەردى تۇتىنۋ­شىلاردىڭ قۇقىق­تارىن قورعاۋ دەپار­تامەنتى اۋديو­كون­فەرەنتسيا بايلانىسى ارقىلى ءار سەيسەنبى جانە جۇما كۇندەرى ساعات 10.00-دەن 13.00-گە دەيىن ازاماتتاردى قا­بىل­دايدى، – دەپ اتاپ ءوتتى ا.تەرەنتەۆ.

قابىلداۋعا جازىلۋ ءۇشىن قارجى ۇيىمى­نىڭ تولىق اتاۋى، ءوتىنىشتىڭ قىسقاشا سيپاتى جانە مىندەتتى تۇردە «قابىلداۋعا جازىلۋ» تاقىرىبىن كور­سەتىپ Yermek.Utemisov@finreg.kz ەلەكتروندى پوشتاسىنا ءوتىنىش جولداۋ قاجەت.

I توقساننىڭ قورىتىندىسى بويىن­­شا جالپى سوماسى 6،94 ملن تەڭگە­نى قۇ­­­رايتىن 28 اكىمشىلىك جازا قول­دا­نىلعان. اگەنتتىك قارجىلىق قىزمەت­تەر­دى تۇ­تىنۋ­شىلاردىڭ قۇقىق­تارىن قورعاۋ جانە قارجى سەكتورىن­داعى جۇ­يەلى بۇزۋ­شى­لىقتاردى جويۋ بو­يىنشا جۇيەلى جۇمىستاردى جالعاستىرادى.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار