قازاقستان • 21 ءساۋىر، 2021

ەلشىلىك اقش پەن قازاقستان اراسىنداعى ۆيزاسىز رەجيمگە قاتىستى پىكىر ءبىلدىردى

31 رەت كورسەتىلدى

امەريكا قۇراما شتاتتارى قازاقستانعا ۆيزاسىز رەجيم بەرۋگە ءالى دايىن ەمەس. بۇل تۋرالى قازاقستانداعى اقش ەلشىسى ۋيليام موزەر ايتتى، دەپ حابارلايدى Egemen.kz

«مەنىڭ ويىمشا، ءبىزدىڭ ەل ۆيزاسىز رەجيم بەرۋگە ءالى دايىن ەمەس. ويتكەنى بۇل وتە ۇزاق ءارى كۇردەلى پروتسەسس. قازىرگى پاندەميا كەزىندە دە ۆيزالار بويىنشا وتە كوپ شەكتەۋلەر بار»، دەدى ۋ. موزەر اقش ەلشىلىگى ۇيىمداستىرعان ونلاين دوڭگەلەك ۇستەلدە ءتىلشى سۇراعىنا بەرگەن جاۋابىندا. سونىمەن بىرگە، جۋرناليستەر «قازاقستان ازاماتتارى ءۇشىن ۆيزاسىز رەجيم ەنگىزۋ تۋرالى كەلىسسوزدەر بولدى ما؟» دەگەن سۇراق قويدى.

«ازىرگە، قازاقستانمەن ۆيزاسىز رەجيم تۋرالى كەلىسسوزدەر بولعان جوق. قازىر ۆاشينگتوندا جاڭا اكىمشىلىك جۇمىس ىستەيدى، مۇنداي سۇراقتار تالقىلاۋدا بولادى، بىراق ءدال قازىر اكىمشىلىك ءۇشىن باسقا ماسەلەلەر باسىمدىقتا بولىپ وتىر. بىراق، بۇل ءبىزدىڭ كەلىسسوزدەر جۇرگىزبەيتىنىمىزدى بىلدىرمەيدى»، دەپ جاۋاپ بەردى اقش ەلشىسى.

بۇعان دەيىن ۋ.موزەر اقش پەن قازاقستان اراسىندا تىكەلەي اۋە رەيستەرىن اشۋ جونىندە پىكىر بىلدىرگەن ەدى.

 

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار