ءبىلىم • 21 ءساۋىر، 2021

NIS پەن PIIMA ىنتىماقتاستىق مەموراندۋمىنا قول قويىلدى

37 رەت كورسەتىلدى

«نازارباەۆ زياتكەرلىك مەكتەپتەرى» دببۇ باسقارما ءتورايىمى كۇلاش ءشامشيدينوۆا مەن وزبەكستان رەسپۋبليكاسى مينيسترلەر كابينەتى جانىنداعى پرەزيدەنتتىك، شىعارماشىلىق جانە مامانداندىرىلعان مەكتەپتەردى دامىتۋ اگەنتتىگى ديرەكتورىنىڭ ورىنباسارى اميرۋللو ابدۋللاەۆ ىنتىماقتاستىق تۋرالى مەموراندۋمعا قول قويدى، دەپ حابارلايدى Egemen.kz

وزبەكستاندا پرەزيدەنتتىك مەكتەپتەر ەكى جىل بۇرىن قۇرىلعان.

– بۇگىندە ءبىزدىڭ ستراتەگيالىق ارىپتەستەرىمىز – نازارباەۆ زياتكەرلىك مەكتەپتەرى مەن كەمبريدج ۋنيۆەرسيتەتى. ءبىز قازىرگى ۋاقىتتا الەمدىك ءبىلىم بەرۋ كوشباسشىلارى رەتىندە تانىلعان NIS تاجىريبەسىنە قىزىعۋشىلىق تانىتىپ وتىرمىز،  –  دەپ اتاپ ءوتتى اميرۋللو ابدۋللاەۆ.

بۇل وزبەك دەلەگاتسياسىنىڭ ءساۋىر ايىنداعى قازاقستانعا ءۇشىنشى ساپارى. وتكەن جولى PIIMA وكىلدەرى NIS جۇيەسىنىڭ تاريحىمەن، ەرەكشەلىكتەرىمەن جانە جەتىستىكتەرىمەن تانىسىپ، سونداي-اق پەداگوگيكالىق شەبەرلىك، پەداگوگيكالىق ولشەمدەر جانە پەداگوگيكالىق باعدارلامالار ورتالىقتارىنىڭ جۇمىسىنداعى باسىم باعىتتاردى زەرتتەدى. ەلورداداعى ءۇش زياتكەرلىك مەكتەپتىڭ جۇمىسىمەن تانىستى.

وسى كەزدەسۋدە زاماناۋي يننوۆاتسيالىق مەكتەپتەردى قۇرۋ ءۇشىن وزەكتى ستراتەگيالىق ماسەلەلەردىڭ ۇلكەن توپتاماسى پىسىقتالدى. كۇلاش ءشامشيدينوۆا وزبەك ارىپتەستەرىنىڭ NIS ميسسياسى، تابىستى كوماندا قۇرۋ جانە كورپوراتيۆتىك داستۇرلەر تۋرالى سۇراقتارىنا جاۋاپ بەردى. PIIMA دەلەگاتسياسى ءۇشىن ارنايى حالىقارالىق اككرەديتتەۋ، تاربيە جۇمىسى جانە وليمپيادالىق قوزعالىس، سونداي-اق بالالارعا دوستىق جانە قاۋىپسىز ورتا قۇرۋ ەرەكشەلىكتەرىنە ەگجەي-تەگجەيلى تالداۋ جاسالدى.

ءبىلىم بەرۋ باعدارلامالارى ورتالىعىندا NIS-Programme نەگىزگى قاعيداتتارى مەن ونىڭ حالىقارالىق مويىندالۋى تالقىلاندى. پەداگوگيكالىق شەبەرلىك ورتالىعىندا زەرتتەۋلەردى ۇيىمداستىرۋ مەن پەداگوگتەردىڭ كاسىبي دامۋىنداعى بيزنەس-ۇدەرىستەر، سونداي-اق وقۋشىلاردىڭ فۋنكتسيونالدىق ساۋاتتىلىعىن دامىتۋعا باعىتتالعان وقۋ قىزمەتىن جوبالاۋ بويىنشا كەيس-سەسسيا تالقىلاندى.

پەداگوگيكالىق ولشەۋلەر ورتالىعىندا باعالاۋدىڭ كەشەندى جۇيەسىنىڭ نەگىزگى قاعيداتتارى، كومپونەنتتەرى مەن راسىمدەرى، كونكۋرستىق ىرىكتەۋ، قالىپتاستىرۋشى جانە جيىنتىق باعالاۋعا تەڭگەرىمدى كوزقاراس وزبەك ارىپتەستەرىمىزدىڭ ۇلكەن قىزىعۋشىلىعىن تۋدىردى.   قازاقستاندىق جانە وزبەك يننوۆاتسيالىق مەكتەپتەرىنىڭ ىنتىماقتاستىعىنىڭ جاڭا كەزەڭى باستاۋ الدى.

 

سوڭعى جاڭالىقتار

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

شاڭىراق – «شاعىن وتانىڭ»

قازاقستان • كەشە

ۇقساس جاڭالىقتار