قوعام • 20 ءساۋىر، 2021

ەلوردادا مۇقتاج وتباسىلارعا ازىق-ت ۇلىك سەبەتتەرى تاراتىلۋدا

20 رەت كورسەتىلدى

قاسيەتتى رامازان ايىندا نۇر-سۇلتان قالاسىنداعى مۇقتاج وتباسىلارعا ازىق-ت ۇلىك سەبەتتەرىن تاراتۋ ءىسى جالعاسىپ جاتىر، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

نۇر-سۇلتاندا «قايىرىمدى ىستەر» مارافونى اياسىندا قاسيەتتى رامازان ايىندا ءتورت مىڭنان استام الەۋمەتتىك از قامتىلعان وتباسىعا ازىق-ت ۇلىك سەبەتى تاپسىرىلادى. قايىرىمدىلىق ءىس-شارانى نۇر-سۇلتان قالاسى اكىمدىگىنىڭ ۇيىتقى بولۋىمەن ۇيىمداستىرىلىپ وتىر. ال اكتسيانى «Halyk Bank» اق، بولات وتەمۇراتوۆ قورى جانە ت.ب. قولدادى.

ايتا كەتەيىك، بيىل ناۋرىز مەرەكەسى «قايىرىمدى ىستەر» مارافونىنىڭ اياسىندا ءوتتى. ناۋرىز ايىندا ءتورت مىڭ مۇقتاج وتباسىعا ازىق-ت ۇلىك جيىنتىعى تاپسىرىلدى. قايىرىمدىلىق ءىستى جۇزەگە اسىرۋعا كاسىپكەرلەر، ءىرى ۇيىمدار، ەرىكتىلەر جانە قالا تۇرعىندارى اتسالىستى. پاندەميا كەزىندە ءدارى-دارمەكتەردى، مەديتسينالىق ماسكالاردى تاراتۋ، زەينەتكەرلەردىڭ اۋلالارىنىڭ قارىن كۇرەۋ، اعاش وتىرعىزۋ جانە ت.ب. جۇمىستار جۇرگىزىلدى.

سول سياقتى قاسيەتتى ايدى نۇر-سۇلتان قالاسىنىڭ ءدىن ىستەرى جونىندەگى باسقارماسى مەن دىندەردى زەرتتەۋ ورتالىعى «نۇر-استانا» مەشىتى ۇجىمىمەن بىرلەسىپ، اۋزى بەرىك مۇسىلماندارعا ىستىق تاماق تاراتۋمەن باستاعان.

ەستەرىڭىزگە سالا كەتەيىك، نۇر-سۇلتان قالاسىنىڭ اكىمى التاي كولگىنوۆ بيزنەسمەندەردى، ءىرى كاسىپورىنداردىڭ باسشىلارى مەن توپ-مەنەدجەرلەردى قايىرىمدىلىق اكتسيالارىنا قاتىسۋعا شاقىردى. اتالعان ءىس-شارالار الداعى ۋاقىتتا دا جالعاساتىن بولادى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار