ءبىلىم • 20 ءساۋىر، 2021

اسحات ايماعامبەتوۆ بىلىكتىلىكتى ارتتىرۋ باعدارلامالارىن جاڭارتۋدى تاپسىردى

64 رەت كورسەتىلدى

ءبىلىم جانە عىلىم ءمينيسترى پەداگوگتەردىڭ بىلىكتىلىگىن ارتتىرۋ ىسىندە جاڭارتۋلار ەنگىزىلەتىنىن ايتتى، دەپ حابارلايدى Egemen.kz.

«بىلىكتىلىكتى ارتتىرۋ جۇمىسىنداعى باسىمدىقتاردى وزگەرتۋ كەرەك. بۇل ايدان انىق. بىرىنشىدەن، سوڭعى جىلدارى ءپان بويىنشا كۋرستار وتە از وتكىزىلدى. كوبىنەسە ءبىز ادىستەمە بويىنشا، باسقا كۋرستاردى وتكىزدىك. بىراق ءپان بويىنشا كۋرستار وتە از وتكىزىلدى. سوندىقتان قازىر بىزدەن پەداگوگتەر ءپان بويىنشا كۋرستار وتكىزۋىمىزدى سۇراپ وتىر»، دەدى مينيستر ۆەدومستۆونىڭ اپپارات ماجىلىسىندە.

سونداي-اق، اسحات ايماعامبەتوۆ بىلىكتىلىكتى ارتتىرۋ باعدارلاماسىن جاڭارتىپ وتىرۋ كەرەكتىگىن مالىمدەدى.

«5 جىلدا ءبىر رەت قانا وتكىزىلەتىن اقىسىز كۋرستارمەن مۇعالىمدەردى تولىق قامتي الماي وتىرمىز. سوندىقتان بۇل ماسەلەنى دە شەشۋىمىز كەرەك. جاڭا عانا ارىپتەستەرىمىز ايتتى، باعدارلامالاردى تولىعىمەن جاڭارتۋ كەرەك. ءبىر باعدارلامامەن بىرنەشە جىل جۇمىس ىستەۋگە بولمايدى. ونلاين ءتىزىلىمدى قالىپتاستىرىپ، بارلىق باعدارلامالاردى ورنالاستىرۋ قاجەت. ول مۇعالىمدەرگە دە جالپى قوعامعا دا قولجەتىمدى بولۋى كەرەك. نەنى ۇيرەتىپ جاتقانىمىزدى، قانداي باعدارلامالارمەن ۇيرەنىپ جاتقانىمىزدى بىلۋلەرى ءتيىس»، دەدى ۆەدومستۆو باسشىسى.

مينيستر قاشىقتان وقىتۋ بويىنشا جينالعان تاجىريبەنى بىلىكتىلىكتى ارتتىرۋ ىسىندە پايدالانۋعا بولاتىنىن ايتادى.

«پاندەميا جاعدايىندا بۇل تاسىلگە بەيىمدەلىپ قالدىق. كەيبىر كۋرستاردى مۇمكىندىگىنشە قاشىقتان وتكىزۋ وتە ماڭىزدى. كۋرس وتكەننەن كەيىن دە پەداگوگتەرگە قولداۋ كورسەتۋ قاجەت. ديرەكتورلارعا ارنالعان جانە تسيفرلىق ساۋاتتىلىقتى ارتتىرۋ ءۇشىن ارنايى كۋرستاردى جۇرگىزۋ بويىنشا تاپسىرما بەردىك. وسى جۇمىستى دا بەلسەندى جۇرگىزۋىمىز كەرەك»، دەدى جيىندى قورىتىندىلاعان اسحات ايماعامبەتوۆ.

 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار